நாள்பட்ட ஆஸ்துமா போக்கும் இந்த பொருள்... உங்க வீட்டு சமையல் அறையிலே இருக்கு: டாக்டர் சிவராமன்

கருப்பு மிளகில் வைட்டமின்கள், விட்டமின் சி, பி6 மற்றும் விட்டமின் கே போன்ற ஊட்டச்சத்துகள் நிறைவாக உள்ளன. அதோடு ஜிங்க், சோடியம் , மக்னீசியம், பொட்டாசியம் , பாஸ்பரஸ் மற்றும் கால்சியம் போன்ற சத்துக்களும் மிளகில் நிறைவாக உள்ளன.

குறிப்புக்கா உடலின் நோய் எதிர்ப்பு சக்தியை அதிகரிக்கும் பண்புகள் மிளகில் நிறைவாக இருப்பதாலேயே சளி, காய்ச்சல் , இருமல் , தொண்டை புண் போன்ற பிரச்சனைகளுக்கு நிவாரணியாக பயன்படுத்தப்படுகிறது. பாரம்பரிய மருத்துவ முறையிலும் மிளகு தவிர்க்க முடியாத ஒன்றாக உள்ளது.

இதில் பைப்பரின் எனப்படும் ஒரு சேர்மம் உள்ளது, இது நுண்ணுயிர் எதிர்ப்பு பண்புகளைக் கொண்டுள்ளது. இது தொற்றுக்கு காரணமான நுண்ணுயிரிகளை எதிர்த்துப் போராடுவதன் மூலம் இருமல் மற்றும் சளி அறிகுறிகளின் தீவிரத்தைக் குறைக்க உதவும்.

கருப்பு மிளகில் சளி நீக்கும் பண்புகளும் உள்ளன, இது மூச்சுக்குழாய் அடைப்பைக் குறைத்து சளியை வெளியேற்ற உதவும். சளி, கபம், செரிமானம், தும்மல், பல்வலி என உடல் முழுவதிலும் ஏற்படும் வெவ்வேறு வகையான உடல்நல பிரச்சனைக்கு தீர்வளிக்கக் கூடியது மிளகுத்தூள்.

வைட்டமின் சி, ஏ, கரோட்டின் மற்றும் ஆண்டிஆக்சிடெண்டுகளைக் கொண்டுள்ள கருப்பு மிளகு தீங்கு விளைவிக்கும் ஃப்ரீ ரேடிக்கல்களை நீக்குகிறது. புற்றுநோய் மற்றும் பல நோய்களிலிருந்தும் பாதுகாக்கிறது. மிளகு ரசம் உடலுக்கு நல்லது. அது மட்டுமல்ல, எந்த சூப்பாக இருந்தாலும், அதில் மிளகை சேர்ப்பது வழக்கம். சூப்பில் எந்த காய்கறி மாறினாலும் மாறாமல் இருப்பது மிளகுத்தூள் மட்டுமே.