இவர் தமிழில் நடித்தது ஒரு படம்; பிரபுதேவாவுடன் டான்ஸ் ஆடியவர்: இந்த சிறுமி இப்போ பாலிவுட் குயின்!

இன்றைய சூழலில் டிஜிட்டல் துறையின் வளர்ச்சியின் காரணமாக பல சினிமா பிரபலங்களின் குழந்தைப் பருவ புகைப்படங்கள் அடிக்கடி வைரலாக பரவுகிறது. அதன்படி, இப்புகைப்படத்தில் இருக்கும் சிறுமியை உங்களுக்கு அடையாளம் தெரிகிறதா?

பாலிவுட் திரையுலகில் தனது அசாத்திய ஃபிட்னஸ்-க்காக அறியப்படும் நடிகை ஷில்பா ஷெட்டியின் புகைப்படம் தான் இது. திரைத்துறைக்கு வந்த ஆரம்ப காலத்தை ஒப்பிடுகையில், ஷில்பா ஷெட்டி இப்போது முற்றிலும் மாறுபட்ட தோற்றத்தில் இருக்கிறார். இதற்கு அவரது கடுமையான உடற்பயிற்சியே காரணம்.

ஷில்பா ஷெட்டி 1993-ஆம் ஆண்டு 'பாசிகர்' (Baazigar) திரைப்படத்தின் மூலம் பாலிவுட்டில் அறிமுகமானார். 'தட்கன்' (Dhadkan), 'மெயின் கிலாடி து அனாரி' (Main Khiladi Tu Anari), 'ஜான்வர்' (Jaanwar) உள்ளிட்ட பல வெற்றிப் படங்களில் நடித்ததன் மூலம் அவர் பிரபலமானார்.

தமிழில் பிரபுதேவாவுடன் இணைந்து 'மிஸ்டர் ரோமியோ' என்ற ஒரு திரைப்படத்தில் மட்டும் ஷில்பா ஷெட்டி நடித்துள்ளார். இப்படத்தின் பாடல்கள் அன்றைய காலகட்டத்தில் ரசிகர்களால் பெரிதும் ஈர்க்கப்பட்டன.

தற்போது சில தொலைக்காட்சி நிகழ்ச்சிகளில் பிஸியான நடுவராக ஷில்பா ஷெட்டி வலம் வருகிறார். மேலும், சமூக ஊடகங்களிலும் ஷில்பா ஷெட்டி ஆக்டிவாக இருக்கிறார்.