சர்வதேச யோகா தினம்: ஷில்பா ஷெட்டி முதல் ரகுல் வரை; பாலிவுட் பிரபலங்களின் ட்ரெண்டிங் க்ளிக்ஸ்

ஒவ்வொரு ஆண்டும் ஜூன் 21-ஆம் தேதி சர்வதேச யோகா தினம் கொண்டாடப்படுவது வழக்கம். இந்நிலையில், இன்று பல்வேறு சினிமா நட்சத்திரங்களும் தங்களுடைய யோகா ஸ்பெஷல் புகைப்படங்களை பகிர்ந்துள்ளனர்.

அந்த வகையில், பிரபல நடிகையான ஷில்பா ஷெட்டியும், தான் யோகா செய்யும் வீடியோ ஒன்றை தனது இன்ஸ்டாகிராம் பக்கத்தில் பதிவிட்டுள்ளார். இவர், ஃபிட்னெஸ் சார்ந்த பதிவுகளை தொடர்ச்சியாக பகிர்ந்து வருவது குறிப்பிடத்தக்கது.

மேலும், பாலிவுட்டின் முன்னணி நடிகைகளில் ஒருவராக திகழும் கரீனா கபூரும், தனது யோகா தொடர்பான புகைப்படத்தை ஸ்டோரியாக பதிவிட்டுள்ளார். இதற்கு ரசிகர்கள் இடையே நல்ல வரவேற்பு கிடைத்துள்ளது.

தெலுங்கு சினிமா மூலமாக பிரபலமடைந்தவர் ரகுல் ப்ரீத் சிங். இவர் தமிழில் 'தீரன் அதிகாரம் ஒன்று', 'தேவ்' போன்ற திரைப்படங்களிலும் நடித்துள்ளார். ஃபிட்னெஸில் ஆர்வம் கொண்ட இவரும், யோகா செய்வதை போன்ற புகைப்படத்தை பதிவிட்டுள்ளார்.

இந்தி திரையுலகில் தனக்கென தனி ரசிகர் பட்டாளத்தை கொண்டவர் நிம்ரத் கவுர். குறிப்பாக, இவர் நடித்த 'லஞ்ச் பாக்ஸ்' என்ற திரைப்படம், ரசிகர்கள் மற்றும் விமர்சகர்கள் இடையே பெரும் வரவேற்பை பெற்றது. இந்நிலையில், யோகா தினம் தொடர்பாக நிம்ரத் கவுரும் புகைப்படம் வெளியிட்டுள்ளார்.

பஞ்சாபி மற்றும் இந்தி திரையுலகில் பிரபலமானவர் ஹினா கான். இவர் சின்னத்திரையிலும் கணிசமான பங்களிப்பை தந்துள்ளார். குறிப்பாக, அதிக சம்பளம் பெறும் இந்திய சின்னத்திரை நடிகைகளில் ஒருவராக இவர் திகழ்கிறார். இவரும், யோகா செய்வதை போன்ற புகைப்படத்தை தனது இன்ஸ்டாகிராம் பக்கத்தில் பதிவிட்டுள்ளார்.