வெறும் முட்டைகோஸ் போதும்... மொறு மொறு ஈவினிங் ஸ்நாக்ஸ் ரெடி!

தேவையான பொருட்கள்

முட்டைகோஸ் - 1 கப் (பொடியாக நறுக்கியது), கடலைப்பருப்பு - 1 கப் (2 மணி நேரம் ஊறவைத்தது), உளுந்தம் பருப்பு - 1/4 கப் (2 மணி நேரம் ஊறவைத்தது), சின்ன வெங்காயம் - 1/4 கப் (பொடியாக நறுக்கியது), பச்சை மிளகாய் - 2 (பொடியாக நறுக்கியது), இஞ்சி - 1 துண்டு (பொடியாக நறுக்கியது), சோம்பு - 1 தேக்கரண்டி, கறிவேப்பிலை - சிறிதளவு (பொடியாக நறுக்கியது), கொத்தமல்லி - சிறிதளவு (பொடியாக நறுக்கியது), உப்பு - தேவையான அளவு, எண்ணெய் - பொரிப்பதற்கு.

ஊறவைத்த கடலைப்பருப்பு மற்றும் உளுந்தம் பருப்பை, மிக்ஸியில் போட்டு கொரகொரப்பாக அரைக்கவும்.

அரைத்த மாவுடன், நறுக்கிய முட்டைகோஸ், சின்ன வெங்காயம், பச்சை மிளகாய், இஞ்சி, சோம்பு, கறிவேப்பிலை, கொத்தமல்லி மற்றும் உப்பு சேர்த்து நன்றாக கலக்கவும்.

கலந்த மாவை சிறு சிறு வடைகளாக தட்டி சூடான எண்ணெயில் போட்டு பொன்னிறமாக பொரித்தெடுக்கவும்.

அவ்வளவு தான்... சுட சுட முட்டைகோஸ் வடை தயார்!

தேவைப்பட்டால், வடை மாவுடன் சிறிது அரிசி மாவு சேர்த்துக்கொள்ளலாம். இது வடை மொறுமொறுப்பாக வர உதவும்.