திருமணம் ஆனாலும் இவர் டாப் தான்: இந்த சிறுமி இப்போ சோலோ ஹீரோயின்: யார்னு கண்டுபிடிங்க!

சினிமா பிரபலங்களின் குழந்தைப் பருவ புகைப்படங்கள் அடிக்கடி அவர்களது ரசிகர்களால் இணையத்தில் வைரலாக பகிரப்பட்டு வரும். அந்த வகையில், இந்தப் புகைப்படத்தில் இருக்கும் சிறுமியை உங்களால் யாரென்று கண்டறிய முடியுமா?

இவர் தனது திரையுலக பயணத்தை தொடங்கிய போது அதிக விமர்சனங்களுக்கு உள்ளாகி இருந்தாலும், தனது நடிப்பு திறமைக்காக கிடைத்த தேசிய விருது மூலம் தன்னை ஒரு சிறந்த நடிகையாக நிலைநிறுத்திக் கொண்டார். இச்சிறுமி வேறு யாருமில்லை; தற்போது தென்னிந்திய திரைப்படங்களில் பிஸியாக வலம் வரும் கீர்த்தி சுரேஷின் குழந்தைப்பருவ புகைப்படம் தான் இது.

'கீதாஞ்சலி' என்ற மலையாளத் திரைப்படம் மூலம் கதாநாயகியாக கீர்த்தி சுரேஷ் அறிமுகமானார். 'இது என்ன மாயம்' என்ற திரைப்படத்தின் மூலம் தமிழில் அறிமுகமாகி, 'ரஜினிமுருகன்' திரைப்படம் மூலம் எல்லோராலும் அறியப்பட்டார் கீர்த்தி சுரேஷ்.

கீர்த்தி சுரேஷின் தந்தையான சுரேஷ் மேனன் திரைப்படங்களை தயாரித்து வந்தார். இவரது தாயார் மேனகா புகழ்பெற்ற நடிகையாக விளங்கியவர். அந்த வகையில், கீர்த்தி சுரேஷின் குடும்பத்தினரும் திரையுலகை சார்ந்தவர்கள்.

தொடக்கத்தில் பல்வேறு விமர்சனங்களுக்கு உள்ளான கீர்த்தி சுரேஷ், நடிகை சாவித்ரியின் வாழ்க்கையை மையமாக கொண்டு எடுக்கப்பட்ட 'நடிகையர் திலகம்' திரைப்படத்திற்காக தேசிய விருது வாங்கியதன் மூலம் அனைத்து விமர்சனங்களுக்கு அவர் பதிலடி கொடுத்தார்.

இந்நிலையில், 'ரகு தாத்தா' உள்ளிட்ட திரைப்படங்களில் முன்னணி கதாபாத்திரமாக கீர்த்தி சுரேஷ் நடித்துள்ளார். அழுத்தமான கதையம்சம் கொண்ட திரைப்படங்களில் அவர் கவனம் செலுத்து வருவது குறிப்பிடத்தக்கது.