தமிழில் நடித்தது ஒரு படம்; ரஜினிக்கு வில்லன் இவர் தான்: இந்தி சீனியர் நடிகர்!

இன்றைய சூழலில் சினிமா நட்சத்திரங்களின் குழந்தைப் பருவ புகைப்படங்கள் அடிக்கடி இணையத்தில் வைரலாகி வருகிறது. அந்த வகையில், இந்த புகைப்படத்தில் இருக்கும் இந்த சிறுவன் இப்போது யார் என்று உங்களுக்கு அடையாளம் தெரிகிறதா?

இவர் வேறு யாருமில்லை; முருகதாஸ் இயக்கத்தில், ரஜினிகாந்த் நடிப்பில் வெளியான 'தர்பார்' திரைப்படத்தில் மிரட்டல் வில்லனாக தமிழ் சினிமா ரசிகர்களுக்கு அறிமுகமான சுனில் ஷெட்டியின் இளம் வயது புகைப்படம் தான் இது.

ஆனால், பாலிவுட்டில் இவர் ஒரு முன்னணி நட்சத்திரம். குறிப்பாக, இந்தியின் ஆக்‌ஷன் ஹீரோக்களில் இவருக்கென தனி இடம் உள்ளது. 'போர்டர்', 'தட்கன்', 'ஹேரா ஃபேரி', 'மெயின் ஹூன் நா', 'ஷூட் அவுட் அட் லோகண்ட்வாலா' போன்ற பல்வேறு ஹிட் திரைப்படங்களில் இவர் நடித்துள்ளார்.

கடந்த 1992-ஆம் ஆண்டு 'பல்வான்' திரைப்படத்தின் மூலமாக தனது திரைப்பயணத்தை சுனில் ஷெட்டி தொடங்கினார். அதன் பின்னர், பாலிவுட்டின் ஆக்‌ஷன் ஹீரோக்கள் பட்டியலில் சுனில் ஷெட்டி இணைந்தார். 90-களில் 'தில்வாலே', 'மோஹ்ரா', 'அந்த்', 'வினாஷக்' போன்ற பல திரைப்படங்களின் மூலம் பிரபலமடைந்தார்.

இந்நிலையில், MX பிளேயரின் க்ரைம்-ட்ராமா நிகழ்ச்சியான 'தாராவி பேங்க்' மூலம் ஓடிடி வாயிலாகவும் தனக்கான இடத்தை சுனில் ஷெட்டி தக்க வைத்துக் கொண்டார். அமேசான் மினிடிவியில் 'ஹண்டர்: டூட்டேகா நஹி தோடேகா' என்ற மற்றொரு ஆக்‌ஷன் வெப் சீரிஸிலும் சுனில் ஷெட்டி இடம்பெற்றார்.