செட்டிநாடு ரெசிபி: இந்த ஒரு பொடி சேர்த்தா மொத்த சிக்கனும் காலி!

தேவையான பொருட்கள்

சிக்கன்: 1 கிலோ (சிறு துண்டுகளாக நறுக்கியது), சின்ன வெங்காயம்: 1 கப் (நறுக்கியது), தக்காளி: 2 (நறுக்கியது), இஞ்சி பூண்டு விழுது: 2 தேக்கரண்டி, கறிவேப்பிலை: 2 கொத்து, கொத்தமல்லி: சிறிதளவு (நறுக்கியது), செட்டிநாடு மசாலா பொடி: 3-4 தேக்கரண்டி (உங்கள் காரத்திற்கு ஏற்ப), எண்ணெய்: தேவையான அளவு, உப்பு: தேவையான அளவு, தண்ணீர்: தேவையான அளவு.

பொடி அரைக்க தேவையான பொருட்கள்

வரமிளகாய் - 50 கிராம் சீரகம் - 10 கிராம் சோம்பு - 10 கிராம் மிளகு - 10 கிராம் மல்லி - 25 கிராம்

செய்முறை

சிக்கனை நன்கு சுத்தம் செய்து, சிறு துண்டுகளாக நறுக்கி, ஒரு பாத்திரத்தில் எடுத்துக் கொள்ளவும். கடாயில் எண்ணெய் ஊற்றி சூடானதும், கறிவேப்பிலை மற்றும் நறுக்கிய சின்ன வெங்காயம் சேர்த்து பொன்னிறமாக வதக்கவும்.

வதக்கிய வெங்காயத்தில் இஞ்சி பூண்டு விழுதை சேர்த்து பச்சை வாசனை போகும் வரை வதக்கவும். நறுக்கிய தக்காளியை சேர்த்து, தக்காளி மசியும் வரை வதக்கவும்.

செட்டிநாடு மசாலா பொடி மற்றும் உப்பு சேர்த்து நன்கு கிளறவும். சுத்தம் செய்து வைத்திருக்கும் சிக்கனை இந்த மசாலாவில் சேர்த்து நன்கு பிரட்டவும்.

சிக்கன் மூழ்கும் வரை தண்ணீர் ஊற்றி, மூடி போட்டு வேக விடவும். இடையிடையே கிளறி விடவும். சிக்கன் நன்கு வெந்ததும், கொத்தமல்லி தூவி அலங்கரித்து, சூடாக பரிமாறவும்.

இந்த போடி சிக்கன் செய்வதற்கு அந்த போடி தான் மிகவும் முக்கியமான விஷயம்.

இதை சூடான சாதத்துடன் அல்லது இட்லி, தோசை என்று எது வேண்டுமானாலும் வைத்து சாப்பிடலாம்.