தமிழ் சினிமா காமெடி லெஜண்ட்; முன்னணி ஹீரோக்களின் நண்பர்: இந்த சிறுவன் இப்போ ஸ்டார் ஹீரோ!

சின்னத்திரையில் ‘லொள்ளு சபா’ என்ற நிகழ்ச்சி மூலம் ரசிகர்கள் மனதில் இடம் பிடித்தவர் நடிகர் சந்தானம்.

இதையடுத்து 2004 ஆம் ஆண்டில் சிம்பு நடித்த ‘மன்மதன்’ என்ற படத்தின் மூலம் காமெடி நடிகராக அறிமுகமானார் அவர். அதன் பின்பு முன்னணி நடிகர்களின் படங்களில் அடுத்தடுத்து நடித்து சிறந்த காமெடி நடிகர் என பெயரையும் பெற்றார்.

அடுத்தடுத்து காமெடியில் கலக்கி வந்த இவர் திடீரென காமெடிக்கு முழுக்குப் போட்டு விட்டு முழுநேர ஹீரோவாக உருவெடுத்தார்.

இவர் நடிப்பில் கடைசியாக திரைக்கு வந்த திரைப்படம் ‘டி டி நெஸ்ட் லெவல்’. இதனை தொடர்ந்து சந்தானம் அடுத்தடுத்ததாக நடித்தும் வருகிறார்.

இந்நிலையில் நடிகர் சந்தானம் 2004ம் ஆண்டு உஷா என்பவரை திருமணம் செய்து கொண்டார். இவர்களுக்கு ஒரு பெண் குழந்தை உள்ளது. இந்த நிலையில் நடிகர் சந்தானம், தனது அப்பா, அம்மா, தங்கையுடன் இருக்கும் சின்ன வயது புகைப்படம் ஒன்று இணையதளங்களில் வைரலாகி வருகிறது.