பேரு மட்டும் வித்தியாசம் இல்ல... ரெசிபியும் கூட தான்; ஈஸி டிப்ஸ் பாருங்க!

தேவையான பொருட்கள்

1 கப் மைதா, 1/2டீஸ்பூன் மஞ்சள் தூள், 1 முட்டை, ஒரு சிட்டிகை உப்பு, பூரணம் செய்வதற்கு, 2 கப் துருவிய தேங்காய், 3 ஏலக்காய், 1 கப் சர்க்கரை அல்லது வெல்லம் , 1/4 கப் உலர் திராட்சை, முந்திரி.

செய்முறை

ஒரு மிக்ஸி ஜாரில் முட்டை உடைத்து சேருங்கள் அதனுடன் 1கப் மைதா, ஒரு சிட்டிகை உப்பு,1/2 டீஸ்பூன் மஞ்சள் தூள் சர்க்கரை ஏலக்காய் தூள் தேவையான அளவு தண்ணீர் சேர்த்து தோசைமாவு பதத்திற்கு அரைக்கவும்

இப்போது பூரணம் செய்யலாம். ஒரு கடாயில் 2 தேக்கரண்டி நெய்சேர்த்து உலர் திராட்சை, முந்திரி சேர்த்து பொரித்து எடுத்து வையுங்கள். அதே மீதமுள்ள நெய்யில் வெல்லம் சேர்த்து கிளறவும் அதனுடன் 1/4 கப் தண்ணீர் சேர்த்து உருக்கவும்.

அதில் துருவிய தேங்காய், ஏலக்காய் தூள் சேர்த்து கிளறவும். தண்ணீர் வற்றும் வரை நன்றாக கிளறி கடைசியில் பொரித்த முந்திரி, திராச்சை சேர்த்து இறக்கவும் பூரணம் ரெடி.

இப்போது மைதா மாவு கலவையை தோசை போல் சுட்டு எடுக்கவும். சுட்டு எடுத்த மைதா தோசையில் நடுவில் பூரணம் வைத்து ரோல் செய்யவும்.

சுவையான மலபார் இலஞ்சி அல்லது லவ் லெட்டர் தயார். இது மாலை நேரத்தில் சுட சுட டீ யுடன் சாப்டிட சுவையாக இருக்கும்

இதை உங்கள் காதல் துணையிடம் கொடுக்கும் போது மேலே கொஞ்சம் தேன் ஊற்றி கொடுங்கள். அவ்வளவு ருசியாக இருக்கும்.