யூடியூப் சேனலில் கடையை போட்ட ரொனால்டோ... 1 மணி நேரத்தில் குவிந்த 1 மில்லியன் சப்ஸ்கிரைபர்கள்!

சர்வதேச கால்பந்து அரங்கில் நட்சத்திர வீரராக ஜொலித்து வருபவர் போர்ச்சுக்கல் கால்பந்து வீரர் கிறிஸ்டியானோ ரொனால்டோ.

39 வயதான ரொனால்டோ தற்போது போர்ச்சுக்கல் கால்பந்து அணியின் கேப்டனாகவும், அல்-நாசர் எஃப்.சி அணியின் முன்னணி வீரராகவும் களமாடி வருகிறார்.

இந்நிலையில், கால்பந்து வீரர் ரொனால்டோ தற்போது யூட்யூபராக புது அவதாரம் எடுத்துள்ளார். 'யுஆர் கிறிஸ்டியானோ' என்ற புதிய யூடியூப் சேனலை அவர் தொடங்கியுள்ளார்.

இது தொடர்பான அறிவிப்பு வீடியோவை தனது இன்ஸ்டாகிராம் பக்கத்தில் வெளியிட்டுள்ளார் ரொனால்டோ.

அந்த வீடியோவில், "நான் யுஆர் கிறிஸ்டியானோ என்ற பெயரில் யூட்யூப் சேனல் ஆரம்பித்துள்ளேன். அதை அனைவரும் சப்ஸ்க்ரைப் செய்து கொள்ளுங்கள்" என்று காமெடியாக பேசியுள்ளார்.

ரொனால்டோவின் யூட்யூப் சேனலை 1 மணிநேரத்திற்குள் 1 மில்லியன் பேர் சப்ஸ்க்ரைப் செய்துள்ளனர். இதுவரை இந்த சேனலில் 18 வீடியோக்கள் பதிவேற்றம் செய்யப்பட்டுள்ளது.