ஷார்ப் பார்வைக்கு பெஸ்ட்... இந்த துவையல் கிடைச்சா விடாதீங்க!

தேவையான பொருட்கள்

தேங்காய் துருவல்- ஒரு கப், கருவேப்பிலை -கைப்பிடி அளவு, உளுத்தம் பருப்பு -2 டேபிள் ஸ்பூன், கடலைப்பருப்பு-1 டேபிள்ஸ்பூன், சிவப்பு மிளகாய்- ஐந்து, புளி- புளியங்கொட்டை அளவு, உப்பு, எண்ணெய் -தேவையான அளவு.

ஒரு கடாயில் தேங்காய் எண்ணெய் விட்டு காய்ந்ததும் உளுத்தம் பருப்பு, கடலைப்பருப்பை பொன்னிறமாக வறுத்து சிவப்பு மிளகாய் கிள்ளி போடவும்.

இதனுடன் தேங்காய்த் துருவல், புளி சேர்த்து மிதமான தீயில் மூன்று நிமிடங்கள் வதக்க வேண்டும்.

கடைசியாக அடுப்பை நிறுத்திவிட்டு கறிவேப்பிலையை போட்டு ஒரு புரட்டு புரட்டி எடுக்கவும்.

இவற்றை நன்றாக ஆறவிட்டு தேவையான அளவு உப்பு, தண்ணீர் சேர்த்து துவையலாக மிக்சியில் அரைத்து எடுக்கவும்.

அவ்வளவு தான்... சுவையான சத்தான கருவேப்பிலை துவையல் தயார்!