மோன்தா புயலின் கோரத் தாண்டவம்! இன்று இரவு கரையை கடக்கிறது- ஏனாமில் 100 கி.மீ வேகத்தில் காற்று வீச வாய்ப்பு

ஏனாம்: வங்கக் கடலில் உருவாகியுள்ள மோன்தா புயல் இன்று இரவு ஆந்திர மாநிலம் காக்கிநாடா அருகே கரையை கடக்க உள்ள நிலையில், புதுச்சேரி மாநிலத்தின் ஏனாம் பிராந்தியத்தில் பலத்த முன்னெச்சரிக்கை நடவடிக்கைகள் எடுக்கப்பட்டுள்ளன.

கடைகள் மூடல் மற்றும் எச்சரிக்கை:

புயல் எச்சரிக்கை காரணமாக, ஏனாமில் உள்ள மதுபானக் கடைகள், வணிக நிறுவனங்கள் மற்றும் பிற கடைகள் இன்று நண்பகல் 12 மணி முதல் மூடப்பட்டன.

மோன்தா புயல் குறைந்த காற்றழுத்தத்துடன் இடி மின்னலுடன் கரையை கடக்கும்போது, ஏனாம் பகுதியில் மணிக்கு 90 முதல் 100 கி.மீ வேகத்தில் காற்று வீசும் என வானிலை ஆய்வு மையம் எச்சரிக்கை விடுத்துள்ளது.

நிவாரண ஏற்பாடுகள்:

பள்ளி, கல்லூரி வளாகங்கள் மற்றும் சமுதாய நலக் கூடங்களில் நிவாரண முகாம்கள் அமைக்கப்பட்டுள்ளன.

தாழ்வான பகுதிகளில் வசிப்பவர்கள் நிவாரண முகாம்களில் தங்க வைக்கப்பட்டுள்ளனர்.

அவசரகாலப் பணி:

புயல் பாதிப்புகளைச் சமாளிக்கப் பொக்லைன் இயந்திரங்கள் மற்றும் மரம் வெட்டும் எந்திரங்கள் தயார் நிலையில் வைக்கப்பட்டுள்ளன.

சுகாதார மையங்கள்:

துணை சுகாதார மையங்களும், ஆரம்ப சுகாதார நிலையங்களும் 24 மணி நேரமும் செயல்படும் வகையில் தயார் நிலையில் வைக்கப்பட்டுள்ளன.

அமைச்சர் ஆய்வு:

புயல் நிவாரணப் பணிகள் குறித்து ஏனாம் பிராந்தியத்தின் முன்னாள் அமைச்சரும், புதுச்சேரி அரசின் டெல்லி பிரதிநிதியுமான மல்லாடி கிருஷ்ணா ராவ்விடம், புதுவை முதலமைச்சர் ரங்கசாமியிடம் தொலைபேசி மூலம் தொடர்புகொண்டு கேட்டறிந்தார்.

செய்தி: புதுச்சேரி, பாபு ராஜேந்திரன்