சீரியல் டூ சினிமா; வெள்ளித்திரை ஐகானிக் வில்லன் டேனியல் பாலாஜி: இவர் நடித்த சீரியல் தெரியுமா?

டி சி பாலாஜி என்ற அறிமுகத்தோடு திரைத்துறைக்கு என்ட்ரி கொடுத்த இவர், முதற்கட்ட சினிமா வாழ்க்கையில் சின்னத்திரை சீரியல் தொடர்களில் நடித்து வந்தார். இவர் சன் தொலைக்காட்சியில் ஒளிபரப்பான சித்தி, அலைகள் சீரியல்களில் நடித்துள்ளார். சித்தி சீரியலில் இவர் டேனியல் என்ற கதாபாத்திரத்தில் நடித்ததை தொடர்ந்து, இவர் 'டேனியல் பாலாஜி' என அறியப்பட்டார்.

பிறப்பால் ஒரு சினிமா பலம் படைத்த குடும்பத்தில் பிறந்ததால், இவரின் ஆரம்பகால சினிமா வாழ்க்கை சுலபமாக இருந்துள்ளது. பின்னர் இவரது வெள்ளித்திரை பயணத்தில் பல கஷ்டங்களை கடந்து இவர் ஒரு நட்சத்திர பட்டியலில் இணைந்து ஜொலித்து வருகிறார்.

சித்தி, அலைகள் போன்ற சீரியல்களுக்கு பின் வெள்ளித்திரை சினிமாவில் அடியெடுத்து வைத்த நடிகர் டேனியல் பாலாஜி, 2002 ஆம் ஆண்டு ஏப்ரல் மாதத்தில், 2003 ஆம் ஆண்டு காதல் கொண்டேன் மற்றும் காக்க காக்க படங்களில் ஒரு முக்கிய கதாபாத்திரத்தில் நடித்துள்ளார். கவுதம் மேனன் இயக்கத்தில் இவர் நடித்த காக்க காக்க திரைப்படம் பெரிய அளவில் பேசப்பட்டது. இப்படத்தில் இவர் ஒரு போலீஸ் கதாபாத்திரத்தில் நடித்துள்ளார்.

2003 ஆம் ஆண்டு நடிகர் டேனியல் பாலாஜி நடித்த தமிழ் படங்களுக்கு பிறகு இவர் பிற மொழி திரைப்படங்களான மலையாளம் மற்றும் தெலுங்கு திரைப்படங்களில் நடிக்க தொடங்கியுள்ளார். பிளாக் (மலையாளம்), சம்பா (தெலுங்கு) படங்களில் நடித்து பலரின் அறிமுகத்தை பெற்று புகழ் பெற்றார், டேனியல் பாலாஜி.

2003ல் கவுதம் மேனன் இயக்கிய காக்க காக்க திரைப்படத்தில் சூர்யாவின் நண்பராக நடித்த இவர், 2006ல் வேட்டையாடு விளையாடு படத்தில் வில்லனாக நடித்ததால் பரிசுப்பெற்றார். அதற்குப் பிறகு பல தமிழ் படங்களில் வில்லனாக நடித்து, ரசிகர்களிடம் பிரபலமானார்.

இயக்குனர் வெற்றிமாறன் இயக்கத்தில் நடிகர் டேனியல் பாலாஜி, பொல்லாதவன் மற்றும் வடசென்னை படங்களில் நடித்திருந்தார். பொல்லாதவன் படத்தில் வில்லனாக நடித்த இவர், வடசென்னை திரைப்படத்தில் ராஜன் தம்பியாக தம்பி கதாபாத்திரத்தில் நடித்துள்ளார். வில்லனாக மட்டுமில்லாமல் ஒரு குணச்சித்திர நடிகராகவும் இவர் தனது நடிப்பினை வெளிப்படுத்தி பலரால் கொண்டாடப்பட்டார்.

2002 ஆம் ஆண்டு ஏப்ரல் மாதத்தில் திரைப்படத்தின் மூலம் தனது திரைப்பயணத்தை தொடங்கிய நடிகர் டேனியல் பாலாஜி, 2023 ஆம் ஆண்டு வரை தமிழ், தெலுங்கு, மலையாளம் மற்றும் கன்னட என தென்னிந்திய மொழி திரைப்படங்களில் பல்வேறு கதாபாத்திரத்தில் நடித்து மொத்தம் 45 படங்களில் நடித்துள்ளார், டேனியல் பாலாஜி.