காலையில் ஒன்று, மதியம் வேறு; சமையல் எண்ணெய் இப்படி இருக்கட்டும் – டாக்டர் சிவராமன்

நல்லெண்ணெயின் நன்மைகள் பல, குறிப்பாக செரிமானத்துக்கு, சருமத்துக்கு, எலும்பிற்கு மற்றும் இதயத்துக்கு நல்லது. நல்லெண்ணெயில் உள்ள நார்ச்சத்து உணவை செரிக்க உதவுகிறது. இது சருமத்தை மென்மையாக்கி, சுருக்கங்கள் மற்றும் தழும்புகளை குறைக்க உதவுகிறது. நல்லெண்ணெயில் உள்ள கால்சியம், துத்தநாகம், தாமிரம் போன்ற தாதுக்கள் எலும்புகளை வலுவாக்குகிறது.

நல்லெண்ணெய் கெட்ட கொழுப்பை குறைத்து, நல்ல கொழுப்பை அதிகமாக்கி இதய நோயை தடுக்கிறது. இதில் உள்ள ஆன்டிஆக்ஸிடன்ட் மற்றும் நோய் எதிர்ப்பு பண்புகள் சில குறிப்பிட்ட நோய் தொற்றுகளிலிருந்து நம்மை பாதுகாக்கிறது மற்றும் புற்றுநோய் செல்களை அழிக்கும் பைட்டேட் என்னும் பொருள் உள்ளது.

இதேபோல கடுகு எண்ணெயும் சமையலுக்கு சிறந்த தேர்வாக இருக்கும் என கூறப்படுகிறது. இதில் ஒமேகா -3 மற்றும் ஒமேகா -6 கொழுப்பு அமிலங்கள் காணப்படுகின்றன. இது ஆரோக்கியத்திற்கு நன்மை பயக்கும். இருப்பினும், கடுகு எண்ணெயில் எருசிக் அமிலம் உள்ளது, இதை அதிகமாக உட்கொள்வது ஆபத்தானது.

இந்தியாவில் பெரும்பாலான மக்கள் சமையலுக்கு பாமாயில், கடலை எண்ணெய், தேங்காய் எண்ணெய் ஆகியவற்றை பயன்படுத்துகின்றனர். இது நல்லது என்றாலும் இவற்றில் கொழுப்பு நிறைந்துள்ளது. இவற்றை அதிக காடும் உட்கொண்டால் பல நோய்கள் வர வாய்ப்புள்ளது. அதனால் நல்லெண்ணையை சமையலில் அதிகம் பயன்படுத்த வேண்டும்.

எனவே ஒரே எண்ணெயை பயன்படுத்தாமல் தேவைக்கு ஏற்ப எண்ணெய்களை மாற்றி பயன்படுத்துவது ஆரோக்கியமான வாழ்க்கைக்கு வழிவகுக்கும் என்கிறார்கள் நிபுணர்கள்.