விருந்தினர் வீட்டுக்கு இந்தப் பழங்களை வாங்கிட்டு போங்க... ரொம்ப சந்தோஷப்படுவாங்க: சொல்லும் மருத்துவர் சிவராமன்!

காலை உணவு என்பது எப்போதும் ஆரோக்கியமானதாகவும், ஊட்டச்சத்து மிக்கதாகவும் இருக்க வேண்டும் என மருத்துவர்கள் பரிந்துரைக்கின்றனர். இதனால் பெரும்பாலானோர் முதல் காலை உணவுக்கு வாழைப்பழத்தையே அதிகமாக தேர்வு செய்கின்றனர். பொதுவாகவே வாழைப்பழத்தில் எண்ணற்ற நன்மைகள் உள்ளன.

வாழைப்பழத்தில் பொட்டாஷியம், மக்னீஷியம், இரும்புச்சத்து, ட்ரிப்டோபான், வைட்டமின் பி6, கால்சியம், நார்ச்சத்து போன்ற சத்துக்கள் அதிகமாக இருக்கிறது. 25 சதவிகிதம் சர்க்கரையும், 89 கலோரிகளும் உள்ளன. வாழைப்பழம் சாப்பிடுவது இதய ஆரோக்கியத்தை மேம்படுத்தி, சோர்வு, மலச்சிக்கல், மன அழுத்தம், நெஞ்செரிச்சல், வயிற்றுப்புண் ஆகியவற்றை போக்குகிறது. வாழைப்பழத்தில் இரும்புச்சத்து அதிகமாக இருப்பதால் உடலில் ஹீமோக்ளோபின் அளவு அதிகரித்து இரத்த சோகையை போக்குகிறது. வாழைப்பழத்தில் சர்க்கரை இருப்பதால் உடலுக்கு உடனடியாக ஆற்றலை கொடுக்கிறது.

வாழைப்பழங்களில் இயற்கையாகவே அமிலங்கள் உள்ளன. மேலும் அவற்றில் அதிக அளவு பொட்டாசியம் அடங்கியுள்ளது. இவை காலையில் உண்ண சிறந்தது தான். ஆனால் வெறும் வயிற்றில் சாப்பிட சிறந்ததல்ல. இதை ஆப்பிள் மற்றும் பிற பழங்களுடன் கலந்து சாப்பிடுவது, வாழைப்பழத்தில் உள்ள அமிலங்களை குறைக்க உதவுகிறது. அதேபோல், வாழைப்பழத்தில் அதிக அளவில் மக்னீசியம் உள்ளது.

வாழைப்பழம் ஒரு சிறந்த உணவு தான். அதை நீங்கள் வேறு சில பொருட்களுடன் சேர்த்து எடுத்துக்கொள்வது உங்கள் காலை நேரத்தை புத்துணர்ச்சியுடன் தொடங்க உதவியாக இருக்கும். பொதுவாகவே, வெறும் வயிற்றில் எந்த பழங்களையும் சாப்பிடுவது நல்லதல்ல.

பழங்காலம் முதலே மலச்சிக்கலை குணப்படுத்தும் சிறந்த இயற்கை உணவாக வாழைப்பழம் பயன்படுத்தப்பட்டிருக்கிறது. தினமும் காலை மற்றும் மதிய வேளை உணவுகளை சாப்பிடுவதற்கு முன்பு ஒரு வாழைப்பழத்தை சாப்பிட்டு சிறிது நேரம் கழித்து உணவு சாப்பிட்டு வந்தால் நீண்ட நாட்களாக இருக்கும் மலச்சிக்கல் பிரச்சனை விரைவில் நீங்கும்.

இதை எந்த வயதினரும் நன்றாக சாப்பிடலாம். இதை நீங்கள் எங்காவது விருந்தினராக போகும் இந்த பழத்தை வாங்கி கொண்டு சென்றால் இது மிகவும் நல்லது.