இந்தப் பொருட்களில் மிக கெட்ட கொழுப்பு; இளம் வயது மாரடைப்புக்கு காரணம்: மருத்துவர் சிவராமன்

ட்ரான்ஸ் கொழுப்பு ஆரோக்கியம் இல்லை, ஆனால் ஆபத்துண்டு ட்ரான்ஸ் கொழுப்பில் நம் உடலுக்கு தேவையான எந்த ஆரோக்கியமும் இல்லை. ஆனால் அதனால் மிகப்பெரிய உடல்நலக் கோளாறு ஏற்பட வாய்ப்புள்ளதாக உலக சுகாதார நிறுவனம் எச்சரிக்கிறது.

பொருட்கள் நீண்ட நாட்கள் கெட்டுப் போகாமல் இருக்க ட்ரான்ஸ் கொழுப்பு பயன்படுகிறது... ட்ரான்ஸ் கொழுப்பு என்பது ஒரு வகையான நிறைவுறாத கொழுப்பாகும். இது இயற்கையாகவும் கிடைக்கும் அல்லது தொழிற்சாலை மூலம் செயற்கையாகவும் உற்பத்தி செய்யப்படும். இறைச்சி மற்றும் பால் பொருட்களில் இயற்கையான ட்ரான்ஸ் கொழுப்பு இருக்கும். ஆனால் தொழிற்சாலையில் தயாரிக்கப்படும் ட்ரான்ஸ் கொழுப்பில் காய்கறி எண்ணெயில் ஹைடரஜன் சேர்க்கப்பட்டு அறை வெப்பநிலையில் திடப்படுத்தப்படுகின்றன. இதனால் பாக்கெட்டில் அடைத்து விற்கப்படும் உணவுப் பொருட்கள் நீண்ட நாள் கெட்டுப் போகாது.

இதயத்தை பாதிக்கும் ட்ரான்ஸ் கொழுப்பு... பொதுவாக ட்ரான்ஸ் கொழுப்பு இதய ஆரோக்கியத்தை பாதிப்பதாக அறியப்படுகிறது. இது நமது உடலில் உள்ள கெட்ட கொலஸ்ட்ரால் அளவை அதிகரித்து நல்ல கொலஸ்ட்ரால் அளவை குறைக்கிறது. இதன் காரணமாக இதய நோய்களும் பக்கவாதம் ஏற்படும் ஆபத்தும் அதிகரிக்கிறது.

இன்சுலின் எதிர்ப்பு... நம் உடலில் உள்ள செல்கள் போதுமான அளவு இன்சுலின் விளைவுகளுக்கு ஒத்துழைக்காத போது இன்சுலின் எதிர்ப்பு உண்டாகிறது. இதற்கும் ட்ரான்ஸ் கொழுப்பிற்கும் நெருங்கிய தொடர்புள்ளது. இன்சுலின் எதிர்ப்பு காரணமாக நமது சர்க்கரை அளவு உயர்ந்து டைப்-2 டயாபடீஸ் வரும் வாய்ப்பு அதிகரிக்கிறது. அறிவாற்றல் செயல்பாடை பாதிக்கும்... ட்ரான்ஸ் கொழுப்பு உட்கொள்வதற்கும் அறிவாற்றல் குறைபாடுக்கும் நெருங்கிய தொடர்புள்ளதாக சமீபத்திய ஆய்வுகள் கூறுகின்றன. அதிகமான ட்ரான்ஸ் கொழுப்பை எடுத்துக்கொள்ளும் போது டிமென்ஷியா, அல்சைமர் போன்ற நோய்கள் வருவதற்கு அதிக வாய்ப்புள்ளது.

பிரசவத்தை பாதிக்கிறது... கர்ப்பிணிப் பெண்கள் ட்ரான்ஸ் கொழுப்பு சேர்க்கப்பட்ட உணவுகளை மிகுந்த எச்சரிக்கையோடே எடுத்துக்கொள்ள வேண்டும். இந்த சமயத்தில் அதிகமான ட்ரான்ஸ் கொழுப்பு எடுத்துக்கொண்டால் பிரசவத்தில் சிக்கல்களும் பேர்கால டயாபடீஸ் வரும் ஆபத்தும் உள்ளது. ​உடல் பருமன்... டிரான்ஸ் கொழுப்பை அதிகமாக எடுத்துக்கொள்ளும் போது நம்முடைய உடல் எடை அதிகரிக்கிறது. ட்ரான்ஸ் கொழுப்பு அதிகமுள்ள டயட்டை பின்பற்றுபவர்களுக்கு அடிவயிற்றுப் பகுதிகள் கொழுப்புகள் அதிகமாக சேகரமாகி தொப்பை வருமென்றும் இதன் காரணமாக உடல் பருமன் அதிகரித்து வளர்சிதை நோய்க்குறி மற்றும் இதய சம்மந்தமான நோய்கள் வரும் ஆபத்துள்ளது.