தொடைக்கு கீழே நரம்பு சுருட்டல்... சேரில் இருந்தபடி இந்தப் பயிற்சி; நல்ல ரிசல்ட் இருக்கு!

நரம்பு சுருட்டல் பிரச்சனை என்பது தற்போதைய சூழலில் நிறைய பேருக்கு இருக்கிறது. இதனை கூடுமானவரை தடுப்பதற்கான எளிய பயிற்சிகளை இதில் பார்க்கலாம்.

ஒரு நாற்காலியில் அமர்ந்து கொண்டு உங்கள் காலை உயர்த்தி, உங்கள் கால் விரல்களை முடிந்தவரை நீட்டவும். இது நல்ல இரத்த ஓட்டத்தை ஊக்குவிக்கும்.

அடுத்த பயிற்சியில், நாற்காலியில் உட்கார்ந்து கொண்டு, உங்கள் பாதத்தை தரையில் தொட்டு, பின்னர் உயர்த்தவும். இதை 10 முறை செய்யவும். இந்த பயிற்சி உங்கள் பாதங்களுக்கு தேவையான அசைவை கொடுக்கும்.

இனி, உங்கள் கணுக்காலை ஒரு திசையில் 10 முறையும், பின்னர் எதிர் திசையில் 10 முறையும் சுழற்றுங்கள். இந்தப் பயிற்சியையும் எளிதாக அமர்ந்து கொண்டு செய்யலாம்.

இறுதியாக, உங்கள் பாதத்தை தரையில் வைத்தபடி, உங்கள் கால்விரல்களை அழுத்தி, குதிகாலை உயர்த்தவும். இந்த பயிற்சி இரத்த ஓட்டத்தை மேம்படுத்தவும், நரம்பு சுருட்டலை கட்டுப்படுத்தவும் உதவும்.