அறிவு இருக்கா? பத்திரிக்கையாளரிடம் சீறிய நடிகர் ஜீவா!

பிரபல நடிகர் ஜீவா, செய்தியாளர்கள் சந்திப்பில், பத்திரிகையாளரிடம் உனக்கு அறிவு இருக்கா என்று கேள்வி கேட்டு வாக்குவாதத்தில் ஈடுபட்ட சம்பவம் பரபரப்பை ஏற்படுத்தியுள்ளது. 

பிரபல சினிமா நடிகரும் தயாரிப்பாளர் சூப்பர் குட் பிலிம்ஸ் ஆர்.பி,. சௌவுத்ரியின் மகனுமான நடிகர் ஜீவா, தேனியில் புதிதாக தொடங்கப்பட்ட ஜவுளிக்கடையை ஞாயிற்றுக்கிழமை திறந்து வைத்தார். 

அப்போது, நடிகர் ஜீவா செய்தியாளர்களைச் சந்தித்துப்பேசினார். அவரிடம், ஹேமா கமிட்டி தொடர்பாக பத்திரிக்கையாளர்கள் கேள்வி கேட்டவுடன்,
இந்த சம்பவம் பற்றி தனக்கு எதுவுமே தெரியாது என்று நடிகர் ஜீவா கூறினார். தமிழ் சினிமாவில் நடிகர் சங்கத்தில் பொறுப்பில் உள்ள தங்களுக்கு எதுவுமே தெரியாது என கூறலாமா என நிருபர்கள் மீண்டும் கேள்வி எழுப்பினர்.

இதற்கு, நடிகர் ஜீவா, அந்த விவகாரம் பற்றி சமீபத்தில் கேள்விப்பட்டேன். அது தவறான விஷயம் பதிலளித்தார். தான் நீண்ட நாள் கழித்து தேனிக்கு வந்திருப்பதாகவும், இது போன்ற நிகழ்ச்சிகளில் கேள்விகள் கேட்பதை தவிர்க்க வேண்டும் என்று நடிகர் ஜீவா கூறினார்.

ஆனால், கேள்வி கேட்டதால், கேள்வி கேட்ட பத்திரிக்கையாளரை பார்த்து, “உனக்கு அறிவு இருக்கா? எந்த இடத்தில வந்து இந்த மாதிரி கேள்வி கேட்கிறாய்? என்று கோபத்துடன் திட்டியவாறு” சீறினார். இதனால், பத்திரிக்கையாளர்களுக்கும் நடிகர் ஜீவாவுக்கும் இடையே வாக்குவாதம் ஏற்பட்டது. 

பத்திரிகையாளரிடம் உனக்கு அறிவு இருக்கா என்று நடிகர் ஜீவா ஆவேசமாக கேட்டதால், ஏற்பட்ட வாக்குவாதம் தேனியில் பரபரப்பை ஏற்படுத்தியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“