ராக்ஸ்டார் அனிருத் பிறந்தநாள்: அவரின் கொண்டாட்ட பாடல்கள்!

'ஆலுமா டோலுமா ' என்ற அஜித்தின் பாடல் 'வேதாளம்’ படத்தின் மாஸ் பாடலாக இடம்பெற்றது. இந்தப் பாடல் இல்லாமல் ஒரு கொண்டாட்டத்தை கண்டுபிடிப்பது கடினம். அந்த சமயம் பல பிரபலங்களும் இந்த பாடலுக்கு நடனமாடி அதன் வீடியோக்களை சமூக ஊடகங்களில் பகிர்வதையும் காண முடிந்தது.

'தாராள பிரபு' சூப்பர் ஹிட் இந்தி படமான 'விக்கி டோனரின்' தமிழ் ரீமேக். இதில் ஹரிஷ் கல்யாண் மற்றும் தான்யா ஹோப் முக்கியக் கதாபாத்திரங்களில் நடித்தனர். இப்படத்தின் இசையை தமிழில் பல முன்னணி இசையமைப்பாளர்கள் இணைந்து அமைத்தனர். அனிருத் ரவிச்சந்தர் இந்த படத்திற்கான டைட்டில் பாடலுக்கு இசையமைத்தார். தனது தெலுங்கு இசையமைப்பிலிருந்து ஒத்த இசையை வழங்கியிருந்தாலும், இந்த பாடல் பலரால் விரும்பப்படுகிறது. மேலும் யூடியூபில் அதிக எண்ணிக்கையிலான பார்வைகளைக் கடந்துள்ளது.

அனிருத் ரவிச்சந்தர், விஜய்யின் 'கத்தி' படத்தில் ரசிகர்களை வெறித்தனமாக்கினார். குறிப்பாக 'கத்தி' படத்தின் தீம் மியூசிக் பலருக்கும் ஃபேவரிட்டானது. அதோடு பல ரசிகர்களின் செல்போன்களில் காலர் ட்யூனாகவும் இருந்து வருகிறது. 'கத்தி' படம் தான் விஜய்யும், அனிருத்தும் இணைந்த முதல் படம். தற்போது 'மாஸ்டர்' படத்தில் மீண்டும் இந்த கூட்டணி இணைந்துள்ளது.

சூப்பர் ஸ்டார் ரஜினிகாந்திற்கு இசையமைக்க வேண்டும் என்பது பலரின் கனவு. 'பேட்ட' திரைப்படத்தின் போது, இந்த கனவு அனிருத்துக்கு நிறைவேறியது. 'மாசு மரணம்' என்ற டைட்டில் பாடலில், எஸ்.பி.பாலசுப்பிரமணியத்துடன் இணைந்து, சில வரிகளையும் பாடியிருந்தார் அனிருத். இந்தப் பாடல் ரசிகர்களால் மிகவும் கொண்டாடப்படுகிறது.

’மாரி’ படத்தின் 'தர லோக்கல்', என்ற தனுஷின் அறிமுக பாடல் ரசிகர்களால் பெரிதும் விரும்பப்படுகிறது. அனிருத்தின் டைனமிக் பீட்ஸ் நிச்சயமாக உங்களை நடனமாட வைக்கும். படத்திற்கு அனிருத்தின் இசை, படத்தின் வெற்றிக்கு முக்கிய காரணமாகவும் மாறியது.