தமிழில் நடித்தது 2 படம் தான்; கடைசி படத்தில் விஜய்க்கு ஜோடி: இந்த சிறுமி யார்னு கண்டுபிடிங்க!

இணையதளத்தில் வளர்ச்சி அதிகரித்து வரும் இன்றைய காலக்கட்டத்தில் தங்கள் விருப்பமான சினிமா நட்சத்திரங்கள் குறித்த தகவல்களை ரசிகர்கள் தேடி தேடி படித்து வருகின்றனர்.

குறிப்பாக அவர்களின் சிறுவயது புகைப்படங்கள் குறித்து வெளியாகும் தகவல்களுக்கு இணையத்தில் அதிகபட்ச வரவேற்பு இருந்து வருகிறது. அந்த வகையில் தற்போது நடிகை இலியானாவின் சிறுவயது புகைப்படம் ஒன்று வெளியாகியுள்ளது.

இந்தியத் திரையுலகில் தனக்கென ஒரு தனி இடத்தைப் பிடித்துள்ள நடிகை இலியானா டி'க்ரூஸ், தனது நடிப்புத் திறமையால் மட்டுமல்லாமல், சமூக வலைத்தளங்களில் அவர் பதிவிடும் விஷயங்களுக்காகவும் தொடர்ந்து கவனத்தை ஈர்த்து வருகிறார்.

இன்ஸ்டாகிராமில் மில்லியன் கணக்கான ரசிகர்களைக் கொண்டுள்ள இலியானா, தனது கலகலப்பான பதிவுகள் மற்றும் அழகான புகைப்படங்கள் மூலம் ரசிகர்களின் இதயங்களை வென்றுள்ளார். அந்த வகையில், தனது தந்தை உடனான சில மிக அழகான குழந்தை பருவ புகைப்படங்களைப் பகிர்ந்துள்ளார்.

இந்த புகைப்படங்களைப் பார்க்கும் எவரும், இலியானா தனது அப்பாவின் மீது எவ்வளவு பாசம் வைத்துள்ளார் என்பதை எளிதாக உணர முடியும். சிறுவயதில் தனது தந்தையுடன் கொஞ்சி விளையாடிய தருணங்களையும், அவர் தூக்கி கொஞ்சிய தருணங்களையும் புகைப்படங்களாகப் பகிர்ந்துள்ளார்.

இந்த புகைப்படங்கள் இணையத்தில் வைரலாக பரவி, ரசிகர்கள் பலரின் பாராட்டுகளையும் பெற்று வருகின்றன. இலியானா டி'க்ரூஸ் சமூக வலைத்தளங்களில் மிகவும் சுறுசுறுப்பாக இயங்குபவர். அவ்வப்போது தனது நகைச்சுவையான வீடியோக்கள் மற்றும் புகைப்படங்களைப் பதிவிட்டு ரசிகர்களை மகிழ்வித்து வருகிறார்.

மேலும், தனது அன்புக்குரியவர்களான குடும்பத்தினர் மற்றும் நண்பர்கள் பற்றிய அழகான புகைப்படங்களையும் அவர் தவறாமல் பகிர்ந்து கொள்வார். பல ஊடக சந்திப்புகளில், தனது திரைப்பயணத்தில் தனது குடும்பத்தினரின் ஆதரவு எப்பொழுதும் இருந்ததாகவும், குறிப்பாக தனது தந்தையுடன் தனக்கு இருக்கும் நெருங்கிய பந்தத்தைப் பற்றியும் இலியானா நெகிழ்ச்சியுடன் பேசியுள்ளார்.

2006-ம் ஆண்டு வெளியான கேடி என்ற படத்தின் மூலம் தமிழில் அறிமுகமான இலியானா, அடுத்து 6 வருடங்கள் கழித்து விஜயின் நண்பன் படத்தில் நாயகியாக நடித்திருந்தார். இதுவே இவர் தமிழில் நடித்த கடைசி படமாகும்.