நடிப்பில் மட்டுமல்ல சொந்த பிஸினஸ்ஸிலும் வெற்றி தான்!

பிரபல நடிகையான காஜல், தனது நகை பிராண்ட் ‘மார்சலா’ மூலம் தொழில்முனைவோர் என்ற பட்டியலில் இணைந்துள்ளார். தனது சகோதரி நிஷாவுடன் இணைந்து இந்த வியாபாரத்தை நடத்துகிறார்.

வளர்ந்து வரும் நடிகையான நிக்கி கல்ராணி, பெங்களூருவில் ‘’ஸ்மாலீஸ்” என்ற உணவகத்தை நடத்தி வருகிறார்.

தமிழ், தெலுங்கு மற்றும் கன்னட திரையுலகின் நன்கு அறியப்பட்டவர் நடிகை பிரனிதா சுபாஷ். இந்த பன்மொழி நடிகை எப்போதும் உணவில் ஆர்வம் மிக்கவர். அதையே வியாபாரமாக மாற்றினார். தனது சொந்த ஊரான பெங்களூரில் மிகவும் பிரபலமான உணவகத்தில் பங்குதாரராக இருக்கிறார். அவரது எதிர்கால திட்டம் மற்ற நகரங்களிலும் தனது வணிகத்தை விரிவுபடுத்துவது தான்.

தமிழ், தெலுங்கில் முன்னணி நடிகையான ரகுல் ப்ரீத், கச்சிபவுலியில் உள்ள ஒரு ஜிம்மின் ஃப்ரான்சைஸ் உரிமையாளர் ஆவார். தனது சேவையை வேறு பல இடங்களுக்கும் விரிவுபடுத்தும் பார்வை அவருக்கு உண்டு.

இந்தி, தெலுங்கு மற்றும் தமிழ் திரையுலகில் நடித்து புகழ்பெற்ற நடிகை ஸ்ருதி ஹாசன் பன்முகத் திறமை கொண்டவர். குறும்படங்கள், அனிமேஷன் மற்றும் வீடியோ பதிவு ஆகியவற்றில் கவனம் செலுத்தும் ஐசிட்ரோ என்ற பெயரில் தனது தயாரிப்பு நிறுவனத்தை தொடங்கியிருக்கிறார்.

“பிங்க்” திரைப்படத்தில் டாப்ஸியின் நடிப்பை நாம் அனைவரும் விரும்பினோம். இருப்பினும், நடிப்பு மட்டுமே அவரது திறமை அல்ல. அவர் தனது சகோதரி மற்றும் நண்பருடன் இணைந்து ஒரு திருமண நிறுவனத்தையும் நடத்தி வருகிறார். டாப்ஸி என்ற பொறியியலாளர் தனது நிறுவனத்துக்கு, ‘த வெட்டிங் ஃபேக்டரி’ எனப் பெயரிட்டுள்ளார்.

தமிழ், தெலுங்கில் புகழ்பெற்ற நடிகையாக விளங்கும் தமன்னா, “பாகுபலி”யில் இன்னும் பிரபலமானார். மிகவும் திறமையான நடிகையான அவர், தனது சொந்த நகை பிராண்டையும் அறிமுகப்படுத்தியுள்ளார். இந்த ஸ்டைலான மற்றும் சமகால நகை பிராண்டுக்கு ‘வைட் & கோல்ட்’ என்று பெயர்.

ஷ்ரேயா திறமையான நடிகையும், தொழில்முனைவோரும் மட்டுமல்ல, இரக்கமுள்ள மனிதரும் கூட. அவர் மும்பையில் ஒரு ஸ்பா வைத்திருக்கிறார், அது பார்வையற்றவர்களால் நடத்தப்படுகிறது.