பக்தி மயமான பிக்பாஸ் நடிகை: இவர் யார்னு தெரியுதா பாருங்க!

கடந்த 2018-ம் ஆண்டு வெளியான தமிழ் படம் 2 படத்தின் மூலம் திரையுலகில் அறிமுகமானவர் சவுந்தர்யா. அதன்பிறகு, ஆதித்ய வர்மா என்ற படத்தில் நடித்திருந்தார்.

விக்ரம் மகன் துருவ் விக்ரம் நடிப்பில் வெளியான ஆதித்ய வர்மா திரைப்படம் ரசிகர்கள் மத்தியில் ஓரளவு வரவேற்பினை பெற்றது.

அடுத்து 90 எம்.எல், சூப்பர் டூப்பர் ஆகிய படங்களில் நடித்திருந்த சவுந்தர்யா, ரஜினிகாந்துடன் தர்பார் படத்தில் நடித்திருந்தார். இந்த படம் நல்ல வரவேற்பை பெற்றது.

திரெளபதி, நித்தம் ஒரு வானம், ஹே செனாமிகா, காலங்களில் அவள் வசந்தம் ஆகிய படங்கள், சவுந்தர்யாவின் நடிப்பில் வெளியானது. இதில் ஹே செனாமிகா திரௌபதி நல்ல வரவேற்பை பெற்றது.

ஓம் பீம புஷ் என்ற படத்தின் மூலம் தெலுங்கில் அறிமுகமாகியுள்ள சவுந்தர்யா, வேற மாறி ஆபீஸ் என்ற வெப் தொடரிலும் நடித்துள்ளார். இந்த தொடர் நல்ல வரவேற்பை பெற்றது.

விஜய் டிவியின் வில்லா டூ வில்லேஜ் நிகழ்ச்சியில் களமிறங்கிய சவுந்தர்யா, ஆயுத எழுத்து என்ற சீரியலில் நடித்துள்ளார். சமீபத்தில் நிறைவடைந்த பிக்பாஸ் நிகழ்ச்சியின் 8-வது சீசனில் போட்டியாளராக களமிறங்கினார்.

நிகழ்ச்சியில் கடைசி வரை பிக்பாஸ் வீட்டில் இருந்த சௌந்தர்யா 2-வது இடம் பிடித்த நிலையில், தற்போது இவர் திருவண்ணாமலை சென்று சாமி தரிசனம் செய்த புகைப்படங்களை வெளியிட்டுள்ளார்.