இந்திய அளவில் பிரபலமானவர்: உண்மையில் நடிப்புக்கு அரக்கன் தான் இவர்; தனுஷ், எஸ்.ஜே. சூர்யா இல்ல!

இன்றைய சூழலில் நிறைய சினிமா நட்சத்திரங்களின் குழந்தைப் பருவ புகைப்படங்கள் வைரலாக பரவி வருகின்றன. அதன்படி, தனது நடிப்பால் இந்திய சினிமா ரசிகர்களை ஆச்சரியமடைய வைத்த பிரபல மலையாள நடிகரின் குழந்தைப் பருவ புகைப்படமும் வைரலாகி வருகிறது. இச்சிறுவன் தற்போது யாரென்று தெரிகிறதா?

மலையாளத்தில் சிறந்த இயக்குநர் என்று பெயர் பெற்ற ஃபாசிலின் மகனான, ஃபகத் ஃபாசிலின் குழந்தைப் பருவ புகைப்படங்கள் தான் இவை. இவர் தமிழில் 'காதலுக்கு மரியாதை', 'பூவே பூச்சூடவா' போன்ற திரைப்படங்களையும் இயக்கியுள்ளார் என்பது குறிப்பிடத்தக்கது.

ஆரம்ப காலத்தில், இயக்குநர் ஃபாசிலின் மகன் என்ற அடையாளத்துடன் மலையாள திரையுலகில் கால் பதித்தவர் ஃபகத் ஃபாசில். அப்போது, அவரது திரைப்படங்கள் பெரும் தோல்வியை சந்தித்து கடுமையான விமர்சனங்களுக்கு உள்ளானது.

இதன் தொடர்ச்சியாக, பல ஆண்டுகள் திரைத்துறையில் இருந்து ஃபகத் ஃபாசில் விலகி இருந்தார். இதையடுத்து, சினிமாவிற்கு ரீ-என்ட்ரி கொடுத்த ஃபகத் ஃபாசில், தனது நடிப்பு திறமை மூலம் விமர்சனங்களுக்கு முற்றுப்புள்ளி வைத்து, இந்திய அளவில் தன்னை சிறந்த நடிகர் என்று நிரூபித்துக் காட்டினார்.

இவரது அனைத்து பாத்திரங்களுமே வித்தியாசமானவை. உதாரணமாக, 'மாலிக்', 'ஜோஜூ', 'பேங்களூர் ஃபேஸ்', 'வரதன்' உள்ளிட்ட அனைத்து படங்களிலும் மாறுபட்ட கதாபாத்திரங்களை ஏற்று நடித்தவர் ஃபகத் ஃபாசில். அண்மையில், இவரது நடிப்பில் வெளியான 'ஆவேசம்' திரைப்படம் வர்த்தக ரீதியாகவும், விமர்சன ரீதியாகவும் நல்ல வரவேற்பை பெற்றது.

தமிழிலும் சில திரைப்படங்களில் ஃபகத் ஃபாசில் நடித்துள்ளார். 'சூப்பர் டீலக்ஸ்', 'விக்ரம்', 'மாமன்னன்', 'வேட்டையன்' போன்ற திரைப்படங்களில் முதன்மையான பாத்திரத்தில் ஃபகத் ஃபாசில் நடித்துள்ளார். மலையாளத்தில் இருப்பதை போலவே, தமிழிலிலும் ஏராளமான ரசிகர்கள் ஃபகத் ஃபாசிலுக்கு இருக்கின்றனர். இவர், பிரபல நடிகையான நஸ்ரியா நஸீமை திருமணம் செய்தது குறிப்பிடத்தக்கது.