தயாரிப்பாளர் மகன்; சில ஹிட் படங்கள் கொடுத்தவர்: விஜய்யுடன் இணைந்து நடித்த இந்த சிறுவன் யார் தெரியுமா?

இன்றைய சூழலில் சினிமா பிரபலங்கள் பலருடைய குழந்தைப் பருவ புகைப்படங்கள் ட்ரெண்டாகி வருகின்றன. அதன்படி, இந்தப் புகைப்படத்தில் இருக்கும் சிறுவன் இப்போது யார் என உங்களுக்கு தெரிகிறதா?

தமிழ் சினிமாவில் அழுத்தமான பல படங்களில் நடித்த ஜீவாவின் குழந்தைப் பருவ புகைப்படம் தான் இது. பிரபல தயாரிப்பாளர் ஆர்.பி. சௌத்ரியின் மகனான ஜீவா, 'ஆசை ஆசையாய்' திரைப்படத்தின் மூலம் நாயகனாக அறிமுகமானார்.

தயாரிப்பாளரின் மகன் என்ற கண்ணோட்டத்தில் இவரை பலர் பார்த்தாலும், தனித்துவமான பல படங்களில் நடித்து தனது திறமையை நிரூபித்தவர் ஜீவா. இதற்கு 'கற்றது தமிழ்', 'ராம்', 'ஈ' போன்ற படங்களை உதாரணமாக கூறலாம்.

இவ்வாறு மாறுபட்ட திரைப்படங்களில் நடித்தாலும், கமர்ஷியல் பாணியில் ஜனரஞ்சகமான படங்களான 'சிவா மனசுல சக்தி', 'கோ', 'என்றென்றும் புன்னகை', விஜய்யுடன் நடித்த 'நண்பன்' போன்ற படங்களிலும் தனது முத்திரையை படைத்துள்ளார்.

இவை தவிர '83' திரைப்படத்தின் மூலம் பாலிவுட்டிலும் ஜீவா அறிமுகமானார். அதில், இந்திய கிரிக்கெட் வீரர் ஸ்ரீகாந்தின் கதாபாத்திரத்தை, ஜீவா ஏற்று நடித்தார். இதற்காக விமர்சன ரீதியாக பாராட்டுகள் கிடைத்தது.