சூப்பர் ஸ்டார் நடிகர்களுடன் ஜோடி போட்டவர்; இப்போ இவர் சோலோ ஹீரோயின்: யார்னு சொல்லுங்க!

தமிழ் சினிமா மட்டுமின்றி தெலுங்கு, மலையாளம், இந்தி என பல மொழிகளில் முன்னணி நடிகையாக வலம் வருபவர் நயன்தாரா. சினிமா துறையில் நடிகை நயன்தாராவின் அர்ப்பணிப்பு மற்றும் அவர் ஈட்டிய வெற்றி அனைத்தும் எல்லோருக்கும் தெரிந்த ஒன்று தான்.

சினிமா மட்டுமின்றி தொழில்முனைவராகவும் அவர் வலம் வருகிறார். இந்த ஆளுமையின் காரணமாகவும் நயன்தாராவிற்கு கூடுதல் ரசிகர்கள் இருக்கின்றனர். மேலும், தனது குடும்பத்தினருடன் செலவிடும் நேரம் குறித்து அவ்வப்போது சமூக ஊடகங்களில் நயன்தாரா பதிவிட்டு வருகிறார்.

இந்த சூழலில் நயன்தாராவின் குழந்தைப்பருவ புகைப்படம் ஒன்று இணையத்தில் வைரலாக பரவி வருகிறது. இந்தப் புகைப்படத்தை கடந்த ஆண்டு தனது தந்தையின் பிறந்தநாளன்று நயன்தாரா பதிவிட்டதாக கூறப்படுகிறது. இப்போதும் கூட அப்படத்தை ரசிகர்கள் ட்ரெண்ட் செய்கின்றனர்.