ரஜினி- ஸ்ரீதேவியுடன் இணைந்து நடித்த சிறுவன்; இன்று பாலிவுட்டில் மாஸ் ஹீரோ; இவர் யார் தெரியுமா?

1980களில் பல படங்களில் குழந்தை நட்சத்திரமாக நடித்த ரித்திக் ரோஷன் 1986 ஆம் ஆண்டு ரஜினிகாந்த் மற்றும் ஸ்ரீதேவி நடித்த பகவான் தாதா திரைப்படத்தில் ரஜினிகாந்தின் வளர்ப்பு மகனாக நடித்தார். அதன் புகைப்படங்கள்தான் தற்போது சமூக வலைத்தளங்களில் பரவலாகி வருகிறது.

ஹிருத்திக் ரோஷன் ஒரு திரைப்படக் குடும்பத்தைச் சேர்ந்தவர். இவரது தந்தை ராகேஷ் ரோஷன் பிரபல இயக்குநர் மற்றும் தயாரிப்பாளர் ஆவார். இவரது தாத்தா ஜெ. ஓம் பிரகாஷ் ஒரு புகழ்பெற்ற திரைப்பட தயாரிப்பாளர் மற்றும் இயக்குநர் ஆவார்.

அதன் பிறகு பல வெற்றிகரமான படங்களில் நடித்துள்ளார். இவரது நடன திறமை, ஆக்சன் காட்சிகள் மற்றும் பல்துறை நடிப்புத் திறன் இவரை பாலிவுட்டின் முன்னணி நடிகர்களில் ஒருவராக மாற்றியது.

2000 ஆம் ஆண்டு வெளியான கஹோ நா பியார் ஹை திரைப்படம் மூலம் நாயகனாக அறிமுகமானார். இந்த திரைப்படம் மிகப்பெரிய வெற்றியைப் பெற்று, ஹிருத்திக்கை ஒரே இரவில் ஸ்டாராக மாற்றியது. இவர் ஆறு பிலிம்பேர் விருதுகள் உட்பட பல விருதுகளை வென்றுள்ளார்.