இது என்ன பிரமாதம்; இதைவிட ஸ்பெஷல் போட்டோ இருக்கு; இந்த டாப் நடிகை யார்னு கண்டுபிடிங்க!

இந்த சிறுவயது புகைப்படங்களில் இருப்பவர் சமந்தா ருத் பிரபு, இந்தியத் திரைப்பட நடிகையாவார். இவர் தமிழ் மற்றும் தெலுங்குத் திரைப்படங்களில் நடித்து வருகிறார். சமந்தா, 1987 ஆம் ஆண்டு ஏப்ரல் 28 ஆம் தேதி சென்னையில் பிறந்தார். இவரது தந்தை பிரபு, தாய் லில்லி. இவர் ஸ்டெல்லா மேரிஸ் கல்லூரியில் வணிகவியலில் இளங்கலை பட்டம் பெற்றார்.

2010 ஆம் ஆண்டு கௌதம் மேனன் இயக்கத்தில் வெளியான "விண்ணைத்தாண்டி வருவாயா" தமிழ்த் திரைப்படத்தில் சிறிய கதாபாத்திரத்தில் நடித்து திரையுலகிற்கு அறிமுகமானார். அதே ஆண்டில், தெலுங்கில் "ஏ மாய சேசாவே" திரைப்படத்தில் நாக சைதன்யாவுக்கு ஜோடியாக நடித்துப் பெரிய வெற்றியைப் பெற்றார்.

தமிழில் "மாஸ்கோவின் காவிரி", "பானா காத்தாடி" போன்ற படங்களில் நடித்தார். "நான் ஈ" (2012), "நீ தானே என் பொன்வசந்தம்" (2012), "அஞ்சான்" (2014), "கத்தி" (2014), "தெறி" (2016), "மெர்சல்" (2017), "ரங்கஸ்தலம்" (2018), "மகாநதி" (2018), "சூப்பர் டீலக்ஸ்" (2019), "ஓ பேபி" (2019) போன்ற பல வெற்றிப் படங்களில் நடித்துள்ளார்.

இவர் நடித்த "தி ஃபேமிலி மேன் 2" வலைத்தொடர் இவருக்கு தேசிய அளவில் பெரும் பாராட்டைப் பெற்றுத் தந்தது. சமந்தா நடிகர் நாக சைதன்யாவை 2017 ஆம் ஆண்டு திருமணம் செய்து கொண்டார். ஆனால், 2021 ஆம் ஆண்டு இருவரும் பிரிவதாக அறிவித்தனர். சமந்தா மயோசிட்டிஸ் என்ற தசைநார் அழற்சி நோயால் பாதிக்கப்பட்டு அதிலிருந்து மீண்டு வந்துள்ளார்.