சின்னத்திரை குயின், பாடுவதில் வல்லவர்; இப்போ இந்த சிறுமி சினிமா நடிகை!

சிவாங்கி கிருஷ்ணகுமார், தமிழ் தொலைக்காட்சி மற்றும் திரையுலகில் பிரபலமான ஒரு பின்னணிப் பாடகி, நடிகை மற்றும் நகைச்சுவைக் கலைஞர் ஆவார். இவரது பெற்றோர் கிருஷ்ணகுமார் மற்றும் பின்னி கிருஷ்ணகுமார் இருவரும் கலைமாமணி விருது பெற்ற பிரபல இசைக்கலைஞர்கள்.

2019 ஆம் ஆண்டில் விஜய் தொலைக்காட்சியில் ஒளிபரப்பான "சூப்பர் சிங்கர் 7" என்ற பாடல் போட்டியில் போட்டியாளராக பங்கேற்று மக்கள் மத்தியில் அறிமுகமானார். இவர் ஒரு பின்னணிப் பாடகியாகவும் பல பாடல்களைப் பாடியுள்ளார்.

"குக் வித் கோமாளி" என்ற நகைச்சுவை சமையல் நிகழ்ச்சியில் கோமாளியாக பங்கேற்றதன் மூலம் பெரும் புகழ் பெற்றார். இவரது இயல்பான நகைச்சுவை உணர்வும், அப்பாவித்தனமான பேச்சும் இவரை ரசிகர்களிடம் மிகவும் நெருக்கமாக்கின.

சிவகார்த்திகேயன் நடித்த "டான்" (2022) திரைப்படத்தில் பிரியங்கா மோகனின் தோழியாக நடித்து நடிகையாக அறிமுகமானார். தொடர்ந்து "நாய் சேகர் ரிட்டர்ன்ஸ்" (2022) மற்றும் "காசேதான் கடவுளடா" (2023) போன்ற படங்களில் நடித்துள்ளார்.