கருவுற்ற பெண்கள் சாப்பிட வேண்டிய உணவுகள்

ஒரு பெண்ணின் கர்ப்ப பயணத்தின் போது ஊட்டச்சத்து முக்கிய பங்கு வகிக்கிறது. நல்ல இனப்பெருக்க ஆரோக்கியம் மற்றும் கருத்தரிப்பதற்கு அவசியமான ஊட்டச்சத்துக்கள் இருப்பது முக்கியம். கர்ப்பம் தரிக்க உங்கள் உணவில் சேர்க்க வேண்டிய ஊட்டச்சத்துக்கள் குறித்து தெரிந்து கொள்வது அவசியமாகும்.

ஆரோக்கியமான கருத்தரித்தலுக்கு போலிக் அமிலம் நிறைந்த கீரைகள், பீன்ஸ் மற்றும் தானியங்களை உட்கொள்வது அவசியமாகும். கருவுறுதலின் போது ஏற்படும் ரத்த சோகையை தடுக்க இரும்புச் சத்து நிறைந்த இறைச்சிகள், பீன்ஸ் மற்றும் கீரைகளை சேர்த்துக் கொள்ளுங்கள்.

ஹார்மோன் ஒழுங்குமுறை மற்றும் கரு முட்டையின் தரம் உயர ஒமேகா-3 கொழுப்பு அமிலங்கள் அதிகம் உள்ள கொழுப்பு நிறைந்த மீன், ஆளிவிதை, மற்றும் அக்ரூட் பருப்புகள் ஆகியவற்றை உண்ணுங்கள்.கரு முட்டைகளை சேதத்திலிருந்து பாதுகாக்க பெர்ரி, சிட்ரஸ் பழங்கள் மற்றும் தானியங்கள் ஆகியவற்றைச் உணவில் சேர்க்கவும்.

கருவுறுதலின் போது, ஹார்மோன் உற்பத்தியை ஆதரிக்க கோழி, பன்னீர் மற்றும் பீன்ஸ் போன்ற தேர்ந்தெடுத்து சாப்பிடுவது அவசியம். கால்சியம் சத்து குறைப்பாட்டை தடுக்க பால், கீரைகளை தினமும் எடுத்துக் கொள்வது அவசியமாகும்.ஹார்மோன்களைக் கட்டுப்படுத்த ஜிங்க் சத்து நிறைந்த முழு தானியங்கள், பருப்புகள் மற்றும் பாதம், பிஸ்தா உள்ளிட்டவற்றை உணவில் சேர்த்துக் கொள்ளவும்.

ஆக்ஸிஜனேற்ற அழுத்தத்தைக் குறைக்க வைட்டமின்கள் சி மற்றும் ஈ நிறைந்த பழங்கள், காய்கறிகள் மற்றும் தானியங்களை அதிகம் சாப்பிட வேண்டும். ரத்த சர்க்கரை மற்றும் ஹார்மோன் சமநிலைக்கு நார்ச்சத்து நிறைந்த முழு தானியங்கள், பழங்கள் மற்றும் காய்கறிகளை சாப்பிட வேண்டும்.

தவிர்க்க வேண்டிய உணவுகள் அதிக பாதரசம் கொண்ட மீன்கள், பொரித்த அல்லது பதப்படுத்தப்பட்ட உணவுகள், நொறுக்குத் தீனிகள், கார்பனேற்றம் செய்யப்பட்ட பானங்கள் முற்றிலும் தவிர்த்துக் கொள்வது நல்லது.