95 to 65 கிலோ... இந்த பாலிவுட் நடிகையின் வெயிட் லாஸ் டிப்ஸ் இதுதான்!

சோனாக்‌ஷி ஒரு பிரபல பாலிவுட் நடிகை. 2010 முதல் பல முன்னணி ஹீரோக்களுடன் நடித்துள்ள இவர், ஒரு பிரபல நடிகரின் மகளாகவும் உள்ளார். தனது முதல் படத்திற்கு முன் அவர் தனது உடல் எடையை குறைத்திருந்தார்.

சோனாக்‌ஷி 18 வயதில் ஜிம்மிற்குச் சென்றபோது, 30 வினாடிகளும் ஓட முடியவில்லை. இதனால் எடையை குறைக்கத் தீர்மானித்து முயற்சி செய்தார். அதன் விளைவாக 2 ஆண்டுகளில் 30 கிலோ எடையை குறைக்க முடிந்தது. இதற்காக அவர் டயட், உணவு பழக்கம், உடற்பயிற்சி என அனைத்தையும் கடைபிடித்தார்.

சோனாக்‌ஷிக்கு ஜிம்மில் வெயிட் தூக்குவது பிடிக்காமல் இருந்ததால், வாழ்க்கை முறையில் பல மாற்றங்கள் செய்து எடையை குறைத்தார். அவர் விரும்பும் பயிற்சிகளில் பிலாட்டீஸ் முக்கியமானது. மேலும், காலை நேரத்தில் வெறும் வயிற்றில் கார்டியோ மற்றும் வேகமான நடைப்பயிற்சி செய்வதை வழக்கமாக கடைபிடிக்கிறார்.

அடிக்கடி இரண்டு வாரத்திற்கு ஒரு முறை யோகா, வெயிட் ட்ரெயினிங் போன்றவற்றை செய்யும் இவர் கூடவே நீச்சல் பயிற்சி, டென்னிஸ் விளையாடுவது போன்ற விஷயங்களையும் செய்கிறார். இதனால் இவரது உடல் எடை அப்படியே பேலன்ஸாக இருக்கிறது.

சோனாக்‌ஷி சின்ஹா பெரும்பாலும் பிரெட், சர்க்கரை, பொறித்த உணவுகளை தவிர்க்கிறார். அவ்வப்போது பீட்ஸா சாப்பிட்டாலும், குறைவாகவே உண்பார். தற்போது, அவர் ஆரோக்கியமான பழக்கங்களை பின்பற்றுவதால், ஜங்க் உணவுகளையும் கடை ஸ்னாக்ஸ்களையும் சாப்பிடுவதில்லை. ஸ்னாக்ஸ் தேவைப்படும்போது நட்ஸ், விதைகள் அல்லது வாழைப்பழம் சாப்பிடுவார்.

உடல் எடையை குறைக்கும் முயற்சியில் சோனாக்‌ஷி தண்ணீரை அதிகமாக குடித்து ஹைட்ரஷன்-ஐ பராமரித்தார். சில நேரங்களில் பழச்சாறு மற்றும் இளநீரையும் அருந்துவார்.