ப்ராக்கோலி முதல் நெய் வரை; சமந்தாவின் தினசரி டயட் சாப்பாடு மெனு தெரியுமா?

தனது ஒழுக்கமான வாழ்க்கை முறைக்கு பெயர் பெற்ற நடிகை சமந்தா. சமீபத்தில் பிரபல ஊட்டச்சத்து நிபுணர் ரியான் பெர்னாண்டோவுடனான உரையாடலில் தனது உடல்நல அணுகுமுறையைப் பற்றித் தெரிவித்தார்.

அவர் இப்போது மிகவும் கவனமாக சில உணவு பழக்கங்களை பின்பற்றுவதாகவும், டீனேஜ் காலங்களை விட இப்போது தனது உணவுப் பழக்கங்கள் எவ்வாறு மிகவும் கவனத்துடனும் கண்டிப்பாகவும் மாறிவிட்டன என்பதை வலியுறுத்துவதாகவும் தெரிவித்தார்.

அவர் இளமையாக இருந்தபோது, ஒல்லியாக இருந்ததாகவும், ஒருபோதும் எடை அதிகரிக்கவில்லை என்றும் குறிப்பிட்டார். சமந்தா தான் என்ன வேண்டுமானாலும் சாப்பிடலாம் என்றும் அது தனது உடலைப் பாதிக்காது என்றும் நினைத்தாராம்.

அவர் தனக்கு சீட் டேஸ் எதுவும் இல்லை என்று ஒப்புக்கொண்டார். ஒவ்வொரு நாளும் ஒரே மாதிரியாக சாப்பிடுவதை விரும்புவாராம், அதற்க்கு பழகியும் விட்டாராம்.

சமந்தா தனது உணவில் பெரும்பாலும் செலரி, அகாய் பெர்ரி, மஞ்சள், நெய் மற்றும் ஆரோக்கியமான கொழுப்புகள் நிறைந்த பல உணவுகள் சேர்த்துக்கொள்ள பிடிக்கும் என்று கூறினார்.

அவர் தனக்கென்று ஒரு சமையல்காரரை வைத்துக்கொள்ளவில்லையாம். அதற்கு பதிலாக அவரது உதவியாளரே சமையல் கற்று கொண்டாராம். சில சமயங்களில் அவரை இதற்காகவே ஷூட்டிங் செல்லும் பொது அழைத்து சொல்லுவாராம் சமந்தா.

சமந்தா கடைசியாக பிரபலமான அமெரிக்க உளவுத் தொடரான சிட்டாடலின் இந்தியத் தழுவலான 'சிட்டாடல்: ஹனி பன்னி'யில் நடித்தார். ராஜ் மற்றும் டிகே இயக்கத்தில் வருண் தவான் நடித்த இந்த நிகழ்ச்சி பார்வையாளர்களிடமிருந்து நல்ல வரவேற்பைப் பெற்றது.

அவர் அடுத்தடுத்த பல படங்களை பல மொழிகள் நடித்து வருகிறார், அனால் எந்த அதிகாரபூர்வமான அறிவிப்பு இன்னும் வரவில்லை.