செரிமானம் முதல் நீரிழிவு வரை... வெற்றிலையின் நன்மைகளை தெரிந்துகொள்ளுங்கள்!

நரம்பு மண்டலத்துக்கு பலம் கொடுப்பதால் படிக்கும் குழந்தைகளுக்கு வெற்றிலை சாறு கொடுத்துவர ஞாபக சக்தியை அதிகரிக்கும்... வயிற்றுப்புண், வாய்ப்புண், வாயில் துர்வாடை பிரச்சனையை நீக்குகிறது ஒரு வெற்றிலையினுள் ஐந்தாறு துளசி இலைகளை வைத்து சிறிது கசக்கிப் பிழிய வருகின்ற சாற்றினை குழந்தைகளுக்கு கொடுத்தால் சளி, இருமல் குணமாகும்.

இன்னும் பலப்பல நன்மைகளை தரக்கூடியது இந்த வெற்றிலை. ஆனால், உடல் எடையை குறைப்பதிலும் மிகப்பெரிய பங்கு இந்த வெற்றிலைக்கு உள்ளது. காரணம், மிகக்குறைந்த கொழுப்பு மற்றும் மிதமான புரத உள்ளடக்கத்தை இந்த வெற்றிலை கொண்டிருக்கிறது.. இதைத்தவிர, தயாமின், நியாசின், ரிபோஃப்ளேவின், கரோட்டின், கால்சியம், அயோடின், பொட்டாசியம், வைட்டமின் A, B1, B2, நிகோடினிக் அமிலம் போன்ற ஏகப்பட்ட ஊட்டச்சத்துக்களும் வெற்றிலையில் உள்ளன.

உடல் எடை குறைய வேண்டுமானால், முதலில் குடல் ஆரோக்கியம் காக்கப்பட வேண்டும். வெற்றிலை போடுவதிலேயே சில மாற்றங்களை கையாளலாம்.. அதாவது, காலையில் வெற்றிலை, பாக்கு போடுகிறீர்கள் என்றால், பாக்கு அளவை சற்று கூட்டிக்கொண்டால், துவர்ப்பு சுவையான பாக்கு, மலமிளக்கியாக செயல்பட்டுவிடும். ஒருவேளை, மதியம் வெற்றிலை போடுவதாக இருந்தால், சுண்ணாம்பின் அளவை சற்று அதிகமாக சேர்த்து கொள்ளலாம்.

நார்ச்சத்து அதிகமுள்ள வெற்றிலையில், மிளகிலுள்ள ஃபைட்டோ நியூட்ரியண்ட்டுகள், பெப்பரின் போன்றவை சேர்வதால், உடலிலுள்ள கொழுப்பை உடைக்க எளிதாக உதவுகின்றன.. மிளகில் உள்ள பெப்பரைன் செரிமானத்திற்கும் சிறப்பாக உதவுகிறது

வெற்றிலையை மெல்ல ஆரம்பித்த உடனேயே வாயில் எச்சில் உற்பத்தி அதிகரிக்கும். இதனால் நீங்கள் உண்ட உணவை செரிக்க சொல்லி வயிற்றுக்கு சிக்னல் அனுப்பும் உங்கள் வாய். இதனால் செரிமானம் சிறப்பாக செயல்பட தொடங்கும். வயிற்றில் இருந்து நச்சுக்களை நீக்கவும் இது உதவுகிறது.

வெற்றிலை பயன்படுத்தும்போது அதன் காம்பு, நுனி, நடுநரம்பு இவற்றை நீக்கி உபயோகிக்க வேண்டும். வெற்றிலையில் கால்சியம், இரும்புச்சத்து ஆகியன அதிகம் உள்ளது.