அறிமுக படமே பெரிய ஹிட்டு; குறும்பு நடிப்பால் அசத்திய இந்த சிறுமி ஹோம்லி நடிகை!

டிஜிட்டல் மீடியாவின் வளர்ச்சி நாளுக்கு நாள் அதிகரித்து வரும் நிலையில், பல சினிமா நட்சத்திரங்களின் குழந்தைப் பருவ புகைப்படங்கள் வைரலாக பரவி வருகின்றன. அந்த வகையில், இந்த அரிய புகைப்படங்களை பார்ப்பதற்கு ரசிகர்களும் ஆர்வம் காண்பிக்கின்றன.

அதன்படி, பிரபல மலையாள நடிகையின் குழந்தைப் பருவ புகைப்படம் தற்போது இணையத்தில் வைரலாக பரவி வருகிறது. இவர் சில தமிழ் படங்களிலும் நடித்துள்ளார். இவர் யார் என்று உங்களுக்கு தெரிகிறதா?

தமிழ் சினிமா ரசிகர்களுக்கு 'நாடோடிகள்' திரைப்படத்தின் மூலமாக அறிமுகமான அனன்யாவின் குழந்தைப் பருவ புகைப்படங்கள் தான் இவை. மலையாளத்தில் முன்னணி நடிகைகளில் ஒருவராக இவர் திகழ்கிறார்.

அனன்யா, தனது திரையுலக பயணத்தை 2008 ஆம் ஆண்டு வெளியான மலையாளத் திரைப்படமான 'பாசிட்டிவ்' (Positive) மூலம் தொடங்கினார். அடுத்த ஆண்டே, தமிழில் 'நாடோடிகள்' திரைப்படத்தின் மூலம் அறிமுகமானார். இத்திரைப்படம் விமர்சன ரீதியாகவும், வணிக ரீதியாகவும் பெரும் வெற்றியைப் பெற்றது.

'எங்கேயும் எப்போதும்' திரைப்படத்திற்காக 2011 ஆம் ஆண்டின் சிறந்த துணை நடிகைக்கான ஃபிலிம்பேர் விருதையும் (தமிழ்) அனன்யா பெற்றார். அதிகமான தமிழ் படங்களில் நடிக்கவில்லை என்றாலும், தமிழ் ரசிகர்களுக்கு பிடித்த நடிகையாக அனன்யா இருக்கிறார்.