ஒரு வாரம் தொடர்ந்து சப்ஜா விதை தண்ணீர்... என்ன நடக்கும் தெரியுமா?

சப்ஜா விதைகளில் நார்ச்சத்து அதிகம் என்பதால் செரிமான ஆரோக்கியம் சிறப்பாக இருக்க உதவுகின்றன. தொடர்ந்து 7 நாட்கள் சப்ஜா விதைகள் ஊற வைக்கப்பட்ட தண்ணீரை குடிப்பது வயிறு தொடர்பான பிரச்சினைகளான உப்புசம், மலச்சிக்கல், வாயு மற்றும் அசிடிட்டியை தடுக்கலாம்.

சமீப காலமாக மாதவிடாய் நிறுத்த அதாவது மெனோபாஸ் அறிகுறிகளை நீங்கள் எதிர்கொண்டு வரும் பெண் என்றால் ஒரு கிளாஸ் சப்ஜா விதை நீர் நிவாரணம் அளிக்கும். சப்ஜா விதைகளில் ஒமேகா-3, கால்சியம் மற்றும் மெக்னீசியம் நிறைந்திருப்பதால் அவை தேவையான ஊட்டச்சத்தை வழங்குகின்றன.

சப்ஜா விதை நீர் நீரிழிவு நோயை நிர்வகிக்க சிறந்தது. NIH நடத்திய ஆய்வில், சப்ஜா விதைகள் கார்போஹைட்ரேட் குளுக்கோஸாக மாறுவதை மெதுவாக்கும் திறனைக் கொண்டுள்ளன, இதனால் இன்சுலின் சென்சிட்டிவிட்டி மேம்படுவதாக கூறுகிறது.

உடல் எடையை குறைக்கும் முயற்சிக்கு சப்ஜா விதை தண்ணீர் பெரிதும் உதவலாம். இந்த விதைகளில் நார்ச்சத்து அதிகம் என்பதால், நீண்ட நேரம் வயிறு நிரம்பிய முழுமை உணர்வை அளிக்கிறது, அதிகம் சாப்பிடுவதைத் தடுக்கும்.

ரத்த சர்க்கரை அளவை அடிக்கடி அதிகரிக்கும் பிற சர்க்கரை பானங்களுக்கு சப்ஜா வித தண்ணீர் ஒரு அற்புதமான மாற்றாகும்.