நீங்கள் தினசரி அவசியம் சாப்பிட வேண்டிய ட்ரை ஃப்ரூட்ஸ் இவை தான்!

சர்க்கரை சேர்க்கப்பட்ட ஸ்னாக்ஸ்களுக்கு சிறந்த மாற்று பாதாம் ஆகும். இதனை நீங்கள் எந்த நேரத்தில் வேண்டுமானாலும் சாப்பிடலாம். பாதாம் பருப்பில் ஆன்டிஆக்ஸிடன்ட்ஸ்கள் ஏராளம். பாதாமில் கொலஸ்ட்ரால் குறைவு என்பதால் மலச்சிக்கல், சுவாசப் பிரச்சனைகள் மற்றும் இதய கோளாறுகளில் இருந்து நிவாரணம் அளிக்கிறது. தவிர பாதாமை தொடர்ந்து சாப்பிடுவது ஆரோக்கியமான சருமம், கூந்தல் மற்றும் பற்களை நமக்கு தருகிறது.

பலருக்கும் மிகவும் பிடித்தமான ஒன்றாக இருக்கும் முந்திரிகளில் ப்ரோட்டீன் ஏராளமாக அடங்கி இருக்கிறது. மேலும் இதில் நார்ச்சத்து, இதயத்தை ஆரோக்கியமாக வைக்கும் கொழுப்புகள் மற்றும் தாதுக்கள் நிறைந்துள்ளன. எடை இழப்பு, ரத்த சர்க்கரை கட்டுப்பாடு மற்றும் இதய ஆரோக்கியத்தை முந்திரி மேம்படுத்துகிறது.

சாதாரணமாகவே திராட்சை மிகவும் சத்தானது. இவற்றை உலர்த்தும் செயல்முறை சத்தான திராட்சையை மேலும் அதிக ஊட்டச்சத்து மற்றும் கலோரி மிக்க உலர் பழமாக மாற்றுகிறது. உலர் திராட்சையானது செரிமானத்திற்கு உதவுகிறது மற்றும் அசிடிட்டியை குறைக்க உதவுகின்றன.

அதிக சத்து மிகுந்ததாக குறிப்பிடப்படும் சத்தான வால்நட்ஸ்களில் உடலுக்கு தேவையான அத்தியாவசிய ஒமேகா-3 கொழுப்பு அமிலங்கள், டயட்ரி ஃபைபர்ஸ், ப்ரோட்டீன்ஸ், ஆன்டி-ஆக்ஸிடன்ட்ஸ், வைட்டமின்கள் மற்றும் மினரல்கள் நிறைந்துள்ளன. வால்நட்ஸ்களை ஒரு ஸ்நாக்ஸாக சாப்பிடலாம் அல்லது சாலட்ஸ், ஸ்மூத்தீஸ் அல்லது டெஸெர்ட்களில் சேர்த்து கொள்ளலாம்.

பேரீச்சம் பழங்கள் மிகவும் சக்தி மிக்கவை. இரும்பு, புரோட்டின், நார்ச்சத்து, கால்ஷியம், மெக்னீஷியம், வைட்டமின் - பி6, மினரல்ஸ் போன்ற பல ஊட்டசத்துக்களை கொண்டுள்ளது. இதில் நேச்சுரல் சுகர்ஸ் நிரம்பியுள்ளன. ரத்த சோகை பிரச்சனையை சரி செய்ய மற்றும் irritable bowel disorders-ஐ நீக்க உதவுகின்றன.

பிஸ்தா மிகவும் சுவையானது என்பதோடு நம் ஆரோக்கியத்திற்கும் மிகுந்த நன்மைகளை அளிக்கிறது. பிஸ்தாவில் ஆரோக்கிய கொழுப்புகள், நார்ச்சத்து மற்றும் பல அத்தியாவசிய ஊட்டச்சத்துக்கள் அடங்கி உள்ளன. எனவே உங்கள் தினசரி டயட்டில் பிஸ்தா சேர்த்து கொள்வது இதய ஆரோக்கியம் மற்றும் எடை மேலாண்மை உள்ளிட்ட பல ஆரோக்கிய நன்மைகளுக்கு பங்களிக்கிறது.

உலர் ஆப்ரிகாட்ஸ் (உலர் பாதாமி பழங்கள்) பல ஆரோக்கிய நன்மைகளை கொண்டுள்ளது. இவற்றில் வைட்டமின்கள் ஏ மற்றும் சி, டயட்ரி ஃபைபர் மற்றும் ஆன்டிஆக்ஸிடன்ட்ஸ்கள் நிரம்பியுள்ளன. தினசரி உங்கள் டயட்டில் உலர் ஆப்ரிகாட்ஸ்களை சேர்ப்பது சரும ஆரோக்கியத்தோடு சேர்த்து செரிமானத்தை மேம்படுத்தும். கண் ஆரோக்கியத்தை சிறப்பாக பராமரிக்க உதவும்.

உலர் பிளம்ஸ் என்று குறிப்பிடப்படும் ப்ரூன்ஸ், அதன் இயற்கையான மலமிளக்கி ண்புகளுக்காக அறியப்படுகிறது. இதில் நிறைந்திருக்கும் ஆன்டி-ஆக்ஸிடன்ட்கள் எலும்புகளின் ஆரோக்கியத்தை மேம்படுத்துவதோடு, தேவையற்ற கொழுப்பின் அளவையும் குறைக்கும்.இயற்கையான் முறையில் குடல் இயக்கத்தை சீராக்க உங்கள் டயட்டில் ப்ரூன்ஸ்களை அடிக்கடி சேர்த்து கொள்ளுங்கள்.

அத்திப்பழத்தின் ஒரு முக்கிய நன்மை என்னவென்றால், இவை இயற்கையாகவே கொழுப்பு இல்லாத, கொலஸ்ட்ரால் இல்லாத உணவாகும். அத்திப்பழங்களில் நார்ச்சத்து, வைட்டமின்கள் மற்றும் தாதுக்கள் நிறைந்திருக்கின்றன. இந்த பழம் செரிமானத்திற்கு உதவுவதோடு, ஆரோக்கியமான எடையை பராமரிக்க மற்றும் எலும்பு ஆரோக்கியத்தை மேம்மடுத்துகிறது.