தினமும் ஒரு சீத்தாப்பழம்; இவ்வளவு நன்மைகளா!

சீத்தாப்பழத்தை தினசரி எடுத்து கொள்ளலாம், உண்மையில் தினமும் இந்த பழத்தை மிதமான அளவில் சாப்பிடுவது நமக்கு ஏராளமான நன்மைகளை வழங்குகிறது. இந்த பழமானது வைட்டமின் சி மற்றும் வைட்டமின் பி6 போன்ற அத்தியாவசிய ஊட்டச்சத்துக்களால் நிரம்பியுள்ளது.

சீத்தாப்பழத்தில் இருக்கும் வைட்டமின் சி நம்முடைய நோயெதிர்ப்பு மண்டலத்தை வலுப்படுத்த உதவும். மேலும் இதில் இருக்கும் டயட்ரி ஃபைபர் சத்து மலசிக்கல் ஏதுமின்றி சீரான குடல் இயக்கம் சீராக இருக்கவும் மற்றும் செரிமான ஆரோக்கியத்தை சீராக பராமரிக்கவும் உதவுகிறது.

இந்த பழத்தில் இருக்கும் ஆன்டிஆக்சிடன்ட்ஸ் நம் உடலில் இருக்கும் செல்களை ஆக்ஸிடேட்டிவ் ஸ்ட்ரஸ்சிலிருந்து பாதுகாக்க உதவுகிறது. அதே போல் இதிலிருக்கும் பொட்டாசியம் ரத்த அழுத்தத்தை ஒழுங்குபடுத்துவதில் முக்கிய பங்கு வகிக்கிறது, இது இதயத்தை ஆரோக்கியமாக வைத்திருக்க நன்மை பயக்கும்.

இந்த பழத்தின் கிளைசெமிக் இன்டெக்ஸானது சுமார் 54-ஆக உள்ளது, இந்த அளவு பொதுவாக குறைவாகவோ அல்லது மிதமானதாகவோ கருதப்படுகிறது. எனவே பொதுவாக நீரிழிவு நோயாளிகள் இந்த பழத்தை எடுத்து கொள்ளலாம் என்றாலும் மிதமான அளவில் அது இருக்க வேண்டும்.

இந்த பழம் லோ கிளைசெமிக் இண்டெக்ஸை கொண்டிருப்பதால் ரத்த சர்க்கரை அளவுகளை விரைவாக அதிகரிக்க செய்யாது என்றாலும் சீத்தாப்பழம் எடுத்து கொண்ட பிறகு குறிப்பாக சற்று அதிகமாக சாப்பிட்டது போல உணர்ந்தால் நீரிழிவு நோயாளிகள் தங்கள் ரத்த சர்க்கரை அளவை உன்னிப்பாக கண்காணிப்பது மிகவும் அவசியம்.

சீத்தாப்பழங்களை சாப்பிடுவது உடலுக்கு பல நன்மைகளை வழங்கினாலும், இதை ஒரு சீரான டயட்டின் ஒரு பகுதியாக எடுத்து கொள்வது அவசியம். ஒருவேளை இந்த பாசத்தை அதிகம் சாப்பிட்டால் செரிமான பிரச்சினைகள் அல்லது ஊட்டச்சத்து ஏற்றத்தாழ்வு ஏற்பட வழிவகுக்கும்.