தினம் ஒரு கொய்யா... அதனை சத்துக்களும் ஒரே பழத்தில்!

கொய்யா பழங்களில் வைட்டமின் சி நிறைந்துள்ளது. வைட்டமின் சி-ஆனது நமது உடலின் நோய் எதிர்ப்பு மண்டலத்தை வலுப்படுத்தி நோயெதிர்ப்பு சக்தியை அதிகரிக்கிறது. இதன் மூலம் பல்வேறு தொற்றுகளிலிருந்து உடலை பாதுகாக்க உதவுறது. ஆரஞ்சு பழத்தில் உள்ள வைட்டமின் சி-யை விட நான்கு மடங்கு கொய்யாவில் உள்ளதாக கூறப்படுகிறது. மேலும் கொய்யாவானது ஆன்டிஆக்ஸிஜடன்ட்ஸ்களின் சிறந்த மூலமாகும். இது உடலில் உள்ள ஃப்ரீ ரேடிக்கல்ஸ்களால் ஏற்படும் சேதத்தை தடுக்கிறது.

கொய்யா பழங்களில் உள்ள நார்ச்சத்து செரிமான ஆரோக்கியம் சிறப்பாக இருக்க உதவுகிறது மற்றும் வயிற்று நோய்கள், மலச்சிக்கல் மற்றும் பிற பிரச்சினைகளில் இருந்து நிவாரணம் அளிப்பதில் மிகவும் பயனுள்ளதாக இருக்கும். மேலும் கொய்யா லோ கிளைசெமிக் இன்டெக்ஸை கொண்டுள்ளது. எனவே இது ரத்த சர்க்கரை அளவைக் கட்டுப்படுத்த உதவுகிறது மற்றும் இது நீரிழிவு நோயாளிகளுக்கு ஏற்ற நல்ல பழம் ஆகும்.

அதே போல கொய்யா பழத்தில் உள்ள வைட்டமின் ஏ, நம் கண் ஆரோக்கியத்திற்கு மிக முக்கியமானது. இது நம்முடைய பார்வை திறனை மேம்படுத்துகிறது மற்றும் பல்வேறு கண் நோய்கள் ஏற்படுவதற்கான அபாயங்களை தடுக்கிறது. வயது முதிர்ச்சியால் ஏற்படும் பார்வை இழப்பை சரிசெய்ய, கொய்யா ஜூஸ் குடிக்கலாம்

இந்த பழத்தில் உள்ள ஆன்டிஆக்ஸிடன்ட்ஸ் மற்றும் வைட்டமின்ஸ் போன்ற முக்கிய சத்துக்கள் கூந்தல் மற்றும் சரும ஆரோக்கியத்தை மேம்படுத்துகின்றன. கொய்யா பழத்தில் உள்ள பொட்டாசியம் மற்றும் நார்ச்சத்து போன்றவை நம்முடைய இதயத்தை ஆரோக்கியமாக வைக்க உதவுகின்றன. குறிப்பாக இவை ரத்த அழுத்தத்தை கட்டுக்குள் வைக்கின்றன மற்றும் இதய நோய் ஏற்படும் அபாயத்தைக் குறைக்கின்றன. எனவே இதய ஆரோக்கியத்தை மேம்படுத்த, தினமும் ஒரு கொய்யாப்பழம் சாப்பிட்டால் போதும். உண்மையில் ஒரு வாழைப்பழத்திலும் ஒரு கொய்யாவிலும் கிட்டத்தட்ட ஒரே அளவு பொட்டாசியம் உள்ளது.

கொய்யாவில் நிறைந்துள்ள மாங்கனீஸ், நாம் உண்ணும் உணவில் இருந்து மற்ற முக்கிய ஊட்டச்சத்துக்களை உடல் சரியாக உறிஞ்ச உதவுகிறது. கொய்யாவின் மற்றொரு முக்கிய நன்மை கருவுறுதலை ஊக்குவிக்க உதவும் ஒரு கனிமமான ஃபோலேட் உள்ளது. 100 கிராம் கொய்யா பழத்தில் வெறும் 68 கலோரிகளும் 8.92 கிராம் சர்க்கரையும் உள்ளதாக நிபுணர்கள் கூறுகிறார்கள்.