கல்லீரலை பலப்படுத்தும்; சுகரையும் கண்ட்ரோல் பண்ணும் இந்தச் சாறு... 48 நாள் இந்த நேரத்துல குடிங்க: டாக்டர் யோக வித்யா!

கீழாநெல்லியில் பொட்டாசியம், வைட்டமின் C, இரும்புச்சத்து, மினரல்ஸ், கார்போஹைட்ரேட் அடங்கியிருக்கின்றன. கீழாநெல்லி இலை மாத்திரை என்றே கடைகளிலும் விற்கப்படுகிறது.

கீழாநெல்லி செடியில் காணப்படும் சின்ன சின்ன இலைகளுக்கு கீழே, குட்டி குட்டி காய்கள் குவிந்திருக்கும். அதனால்தான், இதற்கு கீழ்க்காய் நெல்லி, கீழ்வாய் நெல்லி என்றும் பெயர் வந்தது. இதுவே பின்னாளில் மருவி கீழாநெல்லி என்றாகிவிட்டது.

கல்லீரல் ஆரோக்கியத்துக்கு மிகச்சிறந்த மருந்து இந்த கீழாநெல்லி மூலிகையாகும்.. எவ்வளவு மோசமான மஞ்சள் காமாலை நோய் வந்தாலும், இந்த கீரையைதான், விழுதாக அரைத்து பசுமோருடன் கலந்து தருவார்கள். வெறும் வயிற்றில் இதை குடித்து வரும்போது, மஞ்சள் காமாலை குணமாகும்.. அல்லது இந்த பொடியை வெறும் தண்ணீரில் கொதிக்க வைத்து, சீரகத்தூள், தேன் கலந்து குடித்தாலும் மஞ்சள் காமாலைக்கு நிவாரணம் கிடைக்கும்.

அல்லது இந்த செடியை சுத்தம் செய்து, காய வைத்து தூள் செய்து, மோரில் கலக்கி சாப்பிட்டாலும் காமாலை குணமாகும். அல்லது கீழாநெல்லி இலைகளுடன் சீரகம், ஏலக்காய், திராட்சையை, நீரில் சேர்த்து காய்ச்சி வடிகட்டி குடித்தாலும், குணமாகும்.

அதேபோல, பெண்களுக்கு அதிக ரத்த போக்கு இருந்தாலோ அல்லது ரத்தசோகை பிரச்சனை இருந்தாலும், இந்த கீழாநெல்லியே மருந்தாகின்றன.. இந்த பொடியை 3 முதல் 6 கிராம் வரை தேனில் கலந்து சாப்பிடும்போது, வயிற்று வலி குறைவதுடன், வெள்ளைப்பாடு தொந்தரவும் நீங்கும். அல்லது கைப்பிடி கீழாநெல்லி இலையை நசுக்கி தண்ணீரில் சேர்த்து சுண்ட காய்ச்சி, தினமும் 2 வேளை குடிக்கும்போது, வெள்ளைப்படுதல் மட்டுமல்ல, மலட்டுத் தன்மையையும் நீங்குகிறது.

தலைமுடி அதிகமாக கொட்டினால், இந்த குளிர்ச்சியான கீழாநெல்லி இலையை அரைத்து முடியில் தடவி 30 நிமிடங்கள் ஊறவைத்து குளிக்கலாம்.. கீழாநெல்லி தைலம் என்றே கடைகளில் விற்கிறது.. கீழாநெல்லி இலைகளுடன் கடலை மாவு சேர்த்து அரைத்து, உடலில் தேய்த்து, ஊறவைத்து குளித்து வரும்போது, சருமத்துக்கு பாதுகாப்பு கிடைக்கிறது