ஜிமிக்கி கம்மல்... உருண்டையான முகத்துக்கு இது பெஸ்ட்; இனி செலக்ட் பண்ணுங்க!

பொதுவாக ஜிமிக்கி கம்மல் ஓவல் மற்றும் உருண்டை முகத்திற்கு மிகவும் அழகாக பொருந்தும். இதை அணிவதால் இவர்கள் நேர்த்தியாக மற்றும் அழகாக தெரிவார்கள்.

ஓவல் முக அமைப்பைக் கொண்டவர்கள் சிறியது முதல் பெரிய அளவிலான ஜிமிக்கி கம்மலை தாராளமாக பயன்படுத்தலாம்.

உருண்டையான முகத்தைக் கொண்டவர்கள் ஜிமிக்கி கம்மலை அணியும் போது அது அவர்களுக்கு முகத்தை சற்றே நீளவாக்காக காட்டி அவர்களுக்கு சீரான லுக்கை கொடுக்கும்.

இதய வடிவ முக அமைப்பைக் கொண்டவர்கள் நீளமாக உள்ள ஜிமிக்கி கம்மலை அணியலாம்.

முடி குறைவாக உள்ளவர்கள் Bold ஆன பெரிதாக இருக்கும் ஜிமிக்கி கம்மலை அணியலாம். அது அவர்களுக்கு எடுப்பாக இருக்கும்.

முடி நீளமாக உள்ளவர்கள் சிம்பிள் டிசைனில் உள்ள ஜிமிக்கியை அணியலாம். தினமும் ஜிமிக்கி கம்மல் அணிய விரும்புகிறவர்கள் Light weight மற்றும் சிறிய அளவிலான கம்மலை தேர்வு செய்வது சிறந்தது.

ஏதேனும் பண்டிகைக் காலத்தில் பெரிய ஜிமிக்கி கம்மலை தேர்ந்தெடுத்து அணியும் போது பார்ப்பதற்கு கண்ணை கவர்வதாக இருக்கும்.

பெண்கள் ஜிமிக்கி கம்மலை அணிவதற்கு வயது வரம்பு தேவையில்லை. குழந்தைகள் முதல் பெரியவர்கள் வரை தாராளமாக தனக்கு பிடித்த டிசைனை தேர்வு செய்து அணியலாம். அது அவர்களுக்கு பிடித்ததாகவும், அவர்களின் தன்னம்பிக்கையை அதிகரிக்கக்கூடியதாகவும் இருந்தால் போதுமானது.