உடல் கொழுப்பை அதிகரித்து எடையை குறைக்கலாம்…இந்த உணவுகளை சாப்பிடுங்க; டாக்டர் கார்த்திகேயன்

வெண்ணெய் பழம் அதாவது அவகேடா என்ற அழைக்கப்படும் பழம் உடல் எடையை குறைப்பதில் மிக முக்கிய பங்கு வகிக்கிறது. இது சுவையை தருவதோடு எடையை குறைக்க நினைக்கும் மக்களுக்கு நல்ல கொலஸ்ட்ராலை கொடுத்து எடையை குறைக்க உதவி செய்கிறது. இந்த வெண்ணெய் பழத்தில் பொட்டாசியம், மெக்னீசியம், இரும்பு, சோடியம், வைட்டமின் பி 6, கே, துத்தநாகம், தாமிரம் என இன்னும் பல ஊட்டச்சத்துக்கள் உள்ளன.

உடல் எடையைக் குறைப்பதற்கு உணவுமுறைகளில் நிச்சயம் மாற்றம் செய்ய வேண்டும். கார்போஹைட்ரேட் மற்றும் டிரான்ஸ் ஃபேட் உணவுகளைத் தவிர்த்துவிட்டு அதிக புரதங்கள், நார்ச்சத்துக்கள் மற்றும் ஆரோக்கியமான கொழுப்பு உணவுகளை அதிகமாகச் சேர்த்துக் கொள்ள வேண்டும். அதோடு நிறைய வைட்டமின்களும் மினரல்களும் இருக்க வேண்டும். இவையெல்லாமே நிறைந்திருக்கிற உணவு என்றால் நட்ஸ் மற்றும் உலர் பழங்களைச் சொல்லலாம்.

நம்முடைய செரிமான ஆரோக்கியத்தை மேம்படுத்த, வளர்சிதை மாற்ற விகிதத்தை அதிகரிக்க, அதிக இரும்புச்சத்து மற்றும் அதிக ஒமேகா-3 கொழுப்பு அமிலங்கள் கொண்ட சியா விதைகள் உடல் எடையைக் குறைப்பதில் மிகச்சிறப்பாக உதவி செய்கின்றன.

ஆளிவிதையை நம்முடைய முதன்மையான உணவுகளில் சேர்த்துக் கொள்ளலாம். அதேபோல சப்ளிமெண்ட்டுகள் போல எடுத்துக் கொள்ள மிகச்சிறந்தது. இதிலுள்ள கரையும் நார்ச்சத்துக்கள் மற்றும் வைட்டமின்கள், மினரல்கள் என ஏராளமான ஊட்டச்சத்துக்கள் இதில் அடங்கியிருக்கின்றன.

முந்திரி பருப்பு, சில வழிகளில் உடல் எடையை குறைக்க உதவும் ஒரு ஆரோக்கியமான சிற்றுண்டியாக இருக்கலாம். முந்திரியில் உள்ள நல்ல கொழுப்பு, புரதம் மற்றும் நார்ச்சத்து ஆகியவை பசியைக் கட்டுப்படுத்தவும், அதிகப்படியான உணவை உட்கொள்ளாமல் இருக்கவும் உதவுகின்றன.