புகைப்படத் தொகுப்பு

2024-ல் கூகுளில் அதிகம் தேடப்பட்ட இந்திய படங்கள் லிஸ்ட்: தமிழ் படங்களுக்கு எந்த இடம்?

2024-ம் ஆண்டு கூகுளில் அதிகம் தேடப்பட்ட இந்திய திரைப்படங்கள் பட்டியலில் எத்தனை தமிழ் படங்கள் உள்ளது என்பதை பார்ப்போம்

WebDesk

11 Dec 2024 13:01 IST

New Update

1/11

2024 டாப் 10 படங்கள்

இந்திய சினிமாவில் ஒவ்வொரு ஆண்டும் 1000-க்கு மேற்பட்ட படங்கள் வெளியாகி வருகிறது. இதில் ஒரு சில படங்களே பெரிய வசூல் வேட்டை நடத்தி வருகிறது. ஒரு சில படங்களே இணையத்தில் அதிகம் ரசிகர்கள் தேடக்கூடிய படங்களின் பட்டியலில் இருக்கும். தற்போது 2024-ம் ஆண்டு இறுதிக்கட்டத்தில் உள்ளதால், இந்த ஆண்டு கூகுளில் அதிகம் தேடப்பட்ட டாப் 10 இந்திய படங்கள் பட்டியலை இந்த பதிவில் பார்ப்போம்.

2/11

முதலிடத்தில் ஸ்ட்ரீ 2

ஷ்ரத்தா கபூர், பங்கஜ் திரிபாதி மற்றும் அபிஷேக் பானர்ஜி உள்ளிட்டோர் நடிப்பில் வெளியான காமெடி, ஹாரர் திரைப்படமான ஸ்ட்ரீ 2 2024-ம் ஆண்டு கூகுளில் அதிகம் தேடப்பட்ட இந்திய படங்களின் பட்டியலில் முதலிடத்தை பிடித்துள்ளது. அமேசான் ப்ரைம் ஓடிடி தளத்தில் இந்த படத்தை பார்க்கலாம்.

3/11

2-வது இடத்தில் கல்கி

பிரபாஸ், அமிதா பச்சன், கமல்ஹாசன், தீபிகா படுகோன் உள்ளிட்ட பல முன்னணி நட்சத்திரங்கள் நடிப்பில் வெளியான திரைப்படம் கல்கி. இந்த படம் 2024-ம் ஆண்டு கூகுளில் அதிகம் தேடப்பட்ட படங்களின் பட்டியலில் 2-வது இடத்தை பிடித்துள்ளது. நெட்பிளிக்ஸ் மற்றும் அமேசான் ப்ரைம் தளத்தில் இந்த படத்தை காணலாம்.

4/11

3-வது இடத்தில் 12த் ஃபெயில்

இளைஞர்களை ஊக்கப்படுத்தும் வகையில் உண்மை சம்பவத்தை மையப்படுத்தி எடுக்கப்பட்ட ஹிந்தி திரைப்படம் 12த் ஃபெயில், இந்த பட்டியலில் 3ம் இடத்தை பிடித்துள்ளது. இப்படத்தை நெட்பிளிக்ஸ் தளத்தில் பார்க்கலாம்.

5/11

4-வது இடத்தில் லாப்பட்டா லேடீஸ்

அமீர்கான் மனைவி, கிரண் ராவ் இயக்கத்தில் வெளியான இந்தி திரைப்படமான லாப்பட்டா லேடீஸ் இந்த பட்டியலில் 4-வது இடத்தை பிடித்துள்ளது. இந்த படம் ஆஸ்கார் விருதுக்கு பரிந்துரை செய்யப்பட்டுள்ளது.

6/11

5-வது இடத்தில் ஹனுமன்

தெலுங்கில் வெளியாகி பெரிய வரவேற்பை பெற்ற, ஹனுமன் திரைப்படம் இந்த பட்டியலில் 5-வது இடத்தை பிடித்துள்ளது, சினிமா ரசிகர்களை அதிகம் ஈர்த்த இப்படத்தை டிஸ்னி பிளஸ் ஹாட் ஸ்டார், ஜீ5 மற்றும் ஜியோ சினிமா ஓடிடி தளத்தில் பார்க்கலாம்.

7/11

6-வது இடத்தில், மகாராஜா

விஜய் சேதுபதியின் 50-வது திரைப்படம் என்ற அடையாளத்துடன் வெளியாகி பெரிய வரவேற்பை பெற்ற மகாராஜா திரைப்படம், இந்த பட்டியலில் 6-வது இடத்தை பிடித்துள்ளது. இந்தியாவில் மட்டுமல்லாமல் வெளிநாடுகளிலும் நல்ல வரவேற்பை பெற்ற இப்படத்தை நெட்பிளிக்ஸ் தளத்தில் பார்க்கலாம்.

8/11

7-வது இடத்தில், மஞ்சுமல்பாய்ஸ்

மலையாளத்தில் வெளியாகி தமிழ்நாட்டிலும் பெரிய வரவேற்பை பெற்ற மஞ்சுமல் பாய்ஸ் திரைப்படம் இந்த பட்டியலில் 7-வது இடத்தை பிடித்துள்ளது. உண்மை சம்பவத்தை மையப்படுத்தி எடுக்கப்பட்ட இந்த படத்தை டிஸ்னி பிளஸ் ஹாட் ஸ்டார் ஓடிடி தளத்தில் பார்க்கலாம்.

9/11

8-வது இடத்தில் தி கிரேட்டஸ்ட் ஆப் ஆல்டைம்

விஜய் நடிப்பில் வெங்கட் பிரபு இயக்கத்தில் வெளியான தி கிரேட்டஸ்ட் ஆப் ஆல்டைம் படததில், பிரசாந்த், பிரபு தேவா, மோகன், சினேகா உள்ளிட்ட பலர் நடித்திருந்தனர். கலவையாக விமர்சனங்களை பெற்றிருந்தாலும் கோட் வசூலில் மாஸ் காட்டிய நிலையில், இந்த பட்டியலில், 8-வது இடத்தை பிடித்துள்ளது. இப்படத்தை நெட்பிளிக்ஸ் தளத்தில் பார்க்கலாம்.

10/11

9-வது இடத்தில், சலார்

கே.ஜி.எஃப் படத்தின் மூலம் கவனம் ஈர்த்த இயக்குனர் பிரஷாந்த் நீல் இயக்கத்தில் வெளியான படம் சலார். பிரபாஸ், ப்ரித்விராஜ் இணைந்து நடித்த இந்த படம் இந்த பட்டியலில் 9-வது இடத்தை பிடித்துள்ளது. இந்த படத்தை நெட்பிளிக்ஸ் தளத்தில் பார்க்கலாம்.

11/11

10-வது இடத்தில், ஆவேஷம்

பஹத் பாசில் நடிப்பில் வெளியான ஆவேஷம் திரைப்படம் இந்த பட்டியலில் 10-வது இடத்தை பிடித்துள்ளது. மலையாளத்தில் வெளியாகி பான் இந்தியா படமாக பெரிய வெற்றியை கொடுத்த இந்த படத்தை அமேசான் ப்ரைம் தளத்தில் பார்க்கலாம்.

Tamil Cinema News

Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Advertisment