நாட்டின் முதல் தேசியக் கொடி பற்றி தெரியுமா? இதன் தனித்துவம் பற்றிய ஸ்பெஷல் தகவல்கள்

1947 ஆகஸ்ட் 15 இந்தியாவில் ஏற்றப்பட்ட முதல் தேசியக் கொடிகளில் ஒன்று சென்னை புனித ஜார்ஜ் கோட்டை அருங்காட்சியகத்தில் உள்ள கொடியாகும். இக்கொடியானது பொக்கிஷமாக பார்க்கப்படுகிறது.

இது 12 அடி நீளம், 8 அடி அகலம் கொண்டதாகும். இந்த தேசியக் கொடி 1947, ஆகஸ்ட் 15 அன்று ஏற்பட்ட முதல் கொடிகளில் ஒன்றாகும்.

1947ம் ஆண்டு ஏற்பட்ட கொடிகளில் எஞ்சியிருக்கும் ஒரே கொடியும் இதுவாகும். சுதந்திரத்தை அடைய இந்தியர்கள் மேற்கொண்ட ஒட்டுமொத்த போராட்டத்தின் சாட்சியமாக தேசியக் கொடி உள்ளது. இது தூய பட்டினால் ஆனது சுமார் 3.50 மீட்டர் நீளமும், 2.40 மீட்டர் அகலமும் கொண்டது.

சென்னை புனித ஜார்ஜ் கோட்டை, பிரிட்டிஷ் குடியேற்றத்திலிருந்தும், கோட்டைச் சுற்றியுள்ள பல பூர்விக கிராமங்கள், ஐரோப்பியக் குடியேற்றங்களை மெட்ராஸ் நகரத்துடன் இணைக்கப்பட்டதன் மூலம் ஏற்பட்ட அடுத்தடுத்த விரிவாக்கத்திலிருந்து எழுந்தது.

அருங்காட்சியகத்தின் வரவேற்பு பகுதியில், கோட்டையின் பரிணாம வளர்ச்சி, 1640 முதல் அதன் கட்டுமானத்தைக் காட்டும் வரைப்படம் உள்ளது. இந்த அருங்காட்சியகத்தில் காலனித்துவ காலத்தைச் சேர்ந்த 3,500-க்கும் அதிகமான கலைப்பொருட்கள் இப்போது உள்ளன. இவை 9 காட்சிக் கூடங்களில் வைக்கப்பட்டுள்ளன.