வைட்டமின் சி சீரம் சருமத்திற்கு அற்புதங்களை செய்கிறதா?

பலரும் வயது ஏறினாலும் கூட தங்கள் வாழ்நாள் முழுவதும் இளமை தோற்றம் மற்றும் சருமத்தை தக்க வைத்துக் கொள்ள விரும்புகிறார்கள். அத்துடன் சருமத்தில் ஏற்படும் சுருக்கங்களை தடுக்க பல தயாரிப்புகளையும் பயன்படுத்துகிறார்கள்.

அந்த வகையில் சருமத்தை பொலிவுடனும், பளபளப்பாகவும் வைத்திருக்க விரும்புவோர் மத்தியில் சமீப நாட்களாக வைட்டமின் சி சீரம்கள் பிரபலமாக உள்ளன. பலர் தங்கள் சருமத்தை இளமையாக வைத்திருக்க வைட்டமின் சி சீரம்கள் உதவும் என்ற நம்பிக்கையில் தங்களின் சரும பராமரிப்பு வழக்கத்தில் இதை பயன்படுத்தி வருகின்றனர்.

வைட்டமின் சி சீரம், தங்கள் சருமத்தை பல ஆண்டுகள் இளமையாக வைத்திருக்கும் என்ற எதிர்பார்ப்புடன் யாராவது இதை பயன்படுத்தினால், அவர்கள் எண்ணம் தவறாக இருக்கலாம்

இதுபோன்ற சீரம்கள் சருமத்திற்கு தற்காலிக பளபளப்பைத் தருகிறது. ஆனால் சீரம் சருமத்தில் ஏற்படுத்தும் இந்த விளைவு ஒரு கட்டத்தில் மங்கி, விரைவில் சருமம் அதன் இயல்பான நிலைக்கு திரும்பும்

அதேபோல் வைட்டமின் சி சீரம்கள் பல்வேறு செறிவுகளில் கிடைப்பதால், அது பற்றிய சரியான புரிதல் இல்லாமல் ஆன்லைனில் வாங்குவதைத் தவிர்க்க மருத்துவர் அறிவுறுத்தியுள்ளார். இந்த சீரம்-ஐ தவறாக பயன்படுத்துவது சருமத்திற்கு தீங்கு விளைவிக்க கூடும். குறிப்பாக பருக்கள் ஏற்பட வாய்ப்புள்ளவர்கள் இந்த வைட்டமின் சி சீரம் தயாரிப்பை பயன்படுத்துவதில் எச்சரிக்கையாக இருக்க வேண்டும்.

வயது அதிகமாக இருப்போர் வைட்டமின் சி சீரம் முயற்சிக்க விரும்பினால், அவர்கள் தங்கள் சரும வகைக்கு ஏற்ற சரியான செறிவு கொண்ட சீரம் தயாரிப்பை கவனமாக தேர்வு செய்ய வேண்டும். இது பொதுவாக தீவிர பக்க விளைவுகளை ஏற்படுத்தாது என்றாலும், எப்போதுமே சருமத்தில் சீரம் தயாரிப்புகளை குறைவாக அல்லது மிதமாக பயன்படுத்துவதே நல்லது