மக்களால் நான்...மக்களுக்காகவே நான்: ஜெயலலிதாவின் நினைவு நாள் இன்று!

சென்னை மெரினா கடற்கரையில் உள்ள ஜெயலலிதாவின் நினைவிடத்தில் அதிமுக பொதுச்செயலாளர் எடப்பாடி பழனிசாமி மலர் வளையம் வைத்து மலர் தூவி மரியாதை செலுத்த உள்ளார். அதிமுக தலைமைக் கழக நிர்வாகிகள், முன்னாள் அமைச்சர்கள், எம்.பி., எம்.எல்.ஏ.க்கள், கட்சித் தொண்டர்கள், பல்வேறு அணிகளின் நிர்வாகிகளும் திரண்டு வந்து ஜெயலலிதா நினைவிடத்தில் அஞ்சலி செலுத்த உள்ளனர்.

ஜெயலலிதா நினைவு நாளையொட்டி அவரது நினைவிடத்தில் முன்னாள் முதல்வர் ஓ.பன்னீர்செல்வம், அமமுக பொதுச் செயலாளர் டிடிவி தினகரன், சசிகலா ஆகியோரும் தனித்தனியே தமது ஆதரவாளர்களுடன் வந்து அஞ்சலி செலுத்த உள்ளனர்.

எம்.ஜி.ஆரின் மறைவுக்குப் பிறகு கட்சியை தனி ஒருவராக நிர்வகித்தார். பின்னர், 1989 ஆம் ஆண்டு நடைபெற்ற மாநிலத் தேர்தலில் 27 இடங்களை வென்றார். தமிழ்நாட்டின் சட்டப் பேரவையின் முதல் பெண் எதிர்க்கட்சித் தலைவரானார்.

முதலமைச்சராக அவர் முதல்முறையாக பதவி வகித்தபோது, ​​"அதிக வருமான ஆதாரங்கள்" இருந்ததால் சம்பள காசோலையை ஏற்க மறுத்துவிட்டார். அரசு ஊழியரான அவர் 1 ரூபாய் சம்பளம் வாங்கினார்.