வாதம், பித்தம் இருக்கா? தொப்புளில் இந்த எண்ணெய் வையுங்க: டாக்டர் நித்யா யோசனை

தொப்புளில் எண்ணெய் வைப்பதன் மூலம் கிடைக்கும் நன்மைகள் குறித்து பல செய்திகள் வெளிவந்துள்ளன. குறிப்பாக, தேங்காய் எண்ணெய், வேப்ப எண்ணெய், எலுமிச்சை எண்ணெய், பாதாம் எண்ணெய் போன்றவற்றை தொப்புளில் வைப்பதன் மூலம் கண் வலி, சரும வறட்சி, நோய் எதிர்ப்பு சக்தி, ஜீரணம் போன்ற பல நன்மைகள் கிடைக்கும் என கூறப்படுகிறது.

மேலும், தொப்புளில் எண்ணெய் மசாஜ் செய்வது ரத்த ஓட்டத்தை சீராக வைக்கிறது. ரத்த ஓட்டம் சீராக நடைபெறுவதால் சருமத்தின் அழகு பொலிவுறும். இது முகப்பரு பிரச்சனைகளை தடுக்கிறது. தோலில் இருந்து பழைய புள்ளிகளையும் மறைந்துவிடுகிறது.

தொப்புளில் எண்ணெய்யை தடவுவதால் பல்வேறு செரிமான பிரச்சனைகள் குணமாகும் என்று பலர் நம்புகின்றனர். இது தவிர வயிற்றில் அவ்வப்போது வலி இருப்பவர்களும் தொடர்ந்து தொப்புளுக்கு எண்ணெய் தடவலாம்.

உடலில் உள்ள உஷ்ணம் நீங்க நல்லெண்ணையில் எலுமிச்சை சேர்த்து காய்த்து அந்த எண்ணையை தொப்புளை, தடவி வந்தால் அது குணமாகும்.

வேப்ப எண்ணெய் இந்த விஷயத்தில் அதிக நன்மை பயக்கும். வேப்பங்கொட்டையின் தரத்தைப் பற்றித் தனியாகப் பேச வேண்டியதில்லை. அதன் நன்மைகள் குறித்து அனைவருக்கும் தெரிந்ததே.