சின்ன கட்டு கொத்தமல்லி போதும்... சுவையான கார உருண்டை ரெடி!

தேவையான பொருட்கள்

கொத்தமல்லி - 2 கப் (பொடியாக நறுக்கியது), கடலை மாவு - 1 கப், அரிசி மாவு - 1/2 கப், வெங்காயம் - 1 (பொடியாக நறுக்கியது), பச்சை மிளகாய் - 2 (பொடியாக நறுக்கியது), இஞ்சி - 1 சிறிய துண்டு (துருவியது), பூண்டு - 4 பல் (துருவியது), உப்பு - தேவையான அளவு, எண்ணெய் - பொரிப்பதற்கு தேவையான அளவு.

ஒரு பாத்திரத்தில் நறுக்கிய கொத்தமல்லி, கடலை மாவு, அரிசி மாவு, வெங்காயம், பச்சை மிளகாய், இஞ்சி, பூண்டு மற்றும் உப்பு சேர்த்து நன்றாக கலந்து கொள்ளவும்.

சிறிதளவு தண்ணீர் சேர்த்து கெட்டியான பதத்திற்கு பிசைந்து கொள்ளவும்.

பிசைந்த மாவை சிறிய உருண்டைகளாக உருட்டி கொள்ளவும்.

வாணலியில் எண்ணெய் ஊற்றி சூடானதும், உருட்டி வைத்திருக்கும் உருண்டைகளை போட்டு பொன்னிறமாக பொரித்து எடுக்கவும்.

சுவையான கொத்தமல்லி கார உருண்டை தயார். இதனை சூடாக டீயுடன் பரிமாறவும்.