நடிகர் நகுல் கண்டுபிடித்த டிஷ்: இப்படி செஞ்சா அதே டேஸ்ட்!

தேவையான பொருட்கள்:

கோவக்காய் - 150 கிராம், சின்ன வெங்காயம் - 15-20 (அல்லது பெரிய வெங்காயம்), பூண்டு - 10-15 பற்கள், தக்காளி - 1, புளி - நெல்லிக்காய் அளவு, மிளகு - 1 டீஸ்பூன் (அல்லது காரத்திற்கேற்ப), சீரகம் - 1 டீஸ்பூன், கடுகு - 1 டீஸ்பூன், கறிவேப்பிலை - ஒரு கொத்து, மஞ்சள் தூள் - 1/4 டீஸ்பூன், சாம்பார் பொடி அல்லது மிளகாய் தூள் - 1 டீஸ்பூன் (விரும்பினால்), மிளகு - 1 டீஸ்பூன், சீரகம் - 1 டீஸ்பூன், மல்லி (தனியா) - 1 டீஸ்பூன், துவரம்பருப்பு அல்லது கடலைப்பருப்பு - 1 டீஸ்பூன், காய்ந்த மிளகாய் - 2-3, எண்ணெய் - 2 டேபிள்ஸ்பூன், உப்பு - தேவையான அளவு.

புளியை வெதுவெதுப்பான நீரில் சுமார் 15 நிமிடங்கள் ஊறவைத்து, அதன் சாற்றை எடுத்து தனியாக வைக்கவும். மிளகு, சீரகம், மல்லி, துவரம்பருப்பு, காய்ந்த மிளகாய் ஆகியவற்றை சேர்த்து சிறிது தண்ணீர் விட்டு விழுதாக அரைத்துக்கொள்ளவும்.

கடாயில் எண்ணெய் ஊற்றி, சூடானதும் கடுகு, சீரகம், கறிவேப்பிலை சேர்த்து தாளிக்கவும். பிறகு நறுக்கிய சின்ன வெங்காயம் மற்றும் நசுக்கிய பூண்டு சேர்த்து பொன்னிறமாகும் வரை வதக்கவும்.

பொடியாக நறுக்கிய கோவக்காயை சேர்த்து சில நிமிடங்கள் வதக்கவும். மஞ்சள்தூள், மிளகாய் தூள் (அல்லது சாம்பார் பொடி), உப்பு மற்றும் அரைத்த மசாலா விழுதை சேர்த்து நன்றாக கிளறவும்.

கடைசியாக புளி கரைசலை ஊற்றி, தேவையான அளவு தண்ணீர் சேர்த்து, குழம்பு கெட்டியாகும் வரை கொதிக்க விடவும்.

சூடான சாதத்துடன் பரிமாறவும்.