Kuberaa OTT release: பணக்காரருக்கும், பிச்சைக்காரருக்கும் இடையே நடக்கும் மோதல்... தனுஷின் 'குபேரா' ஓ.டி.டி ரிலீஸ் எப்போது?

'குபேரா' திரைப்படம் இன்று (ஜூன் 20) திரையரங்குகளில் வெளியாகி இருக்கிறது. இப்படத்தில் தனுஷ், நாகார்ஜூனா, ராஷ்மிகா மந்தனா உள்ளிட்டோர் முக்கிய பாத்திரங்களில் நடித்துள்ளனர். இப்படத்திற்கு தேவி ஸ்ரீ பிரசாத் இசையமைத்துள்ளார்.

இப்படத்தை சேகர் கம்முலா இயக்கியுள்ளார். தெலுங்குவில் 'ஃபிடா' உள்ளிட்ட பல வெற்றிப் படங்களை இவர் இயக்கியுள்ளார். இதனால், இப்படத்திற்கு தொடக்கத்தில் இருந்தே ரசிகர்கள் இடையே எதிர்பார்ப்பு இருந்தது.

அந்த வகையில், இன்று வெளியான 'குபேரா' திரைப்படத்திற்கு நல்ல வரவேற்பு கிடைத்துள்ளது. குறிப்பாக, தனுஷின் நடிப்பு படத்திற்கு பெரும் பலமாக இருந்தது என்று விமர்சகர்கள் பாராட்டியுள்ளனர்.

இந்நிலையில், இப்படத்தின் ஓடிடி வெளியீடு எப்போது இருக்கும் என்று ரசிகர்கள் இடையே கேள்வி எழுந்துள்ளது. அதன்படி, இப்படத்தின் ஓடிடி உரிமத்தை அமேசான் ப்ரைம் நிறுவனம் ரூ. 50 கோடிக்கு ஒப்பந்தம் செய்துள்ளதாக தெரிகிறது.

அதன்படி, வரும் ஜூலை மாதத்தின் மூன்றாவது வாரத்தில் 'குபேரா' திரைப்படம் அமேசான் ப்ரைம் ஓடிடி தளத்தில் வெளியாகலாம் என்று எதிர்பார்க்கப்படுகிறது. ஓடிடியில் இப்படத்தை காண ரசிகர்கள் ஆவலுடன் காத்திருக்கின்றனர்.