தூசி படிந்த ஃபேன் ரெக்கை... கை வலிக்காம துடைக்க பழைய பேன்ட்; இப்படி யூஸ் செஞ்சு பாருங்க!

வீட்டில் நாம் அதிகம் கண்டுகொள்ளாமல் விட்டுவிடும் பொருட்களில் ஃபேனும் ஒன்றாகும். தினமும் ஓடிக்கொண்டே இருப்பதால், காற்றில் உள்ள தூசி மற்றும் அழுக்குகள் ஃபேன் ரெக்கைகளில் படிந்து, நாளடைவில் ஒரு தடிமனான படிமமாக மாறிவிடுகின்றன. இந்தத் தூசுக் குவியலானது வீட்டின் ஆரோக்கியத்துக்கும், மின்விசிறியின் செயல்திறனுக்கும் பல பிரச்சினைகளை ஏற்படுத்தும் என்று நிபுணர்கள் எச்சரிக்கின்றனர்.

பொதுவாக நம் வீட்டில் எல்லா இடங்களில் உள்ள தூசியையும் துடைத்து விடுவோம். ஆனால் ஃபேனின் ரெக்கையில் உள்ள தூசிகளை மட்டும் துடைக்க மிகவும் சிரமப்படுவோம். அந்த ஃபேனின் ரெக்கையை துடைப்பதற்காகவே ஒரு ஆளை தேட வேண்டும். இல்லை என்றால் அதனை துடைப்பதற்காகவே ஒரு பொருளை பணம் கொடுத்து வாங்க வேண்டிய நிலை இருக்கும். ஃபேனின் ரெக்கைகளை துடைக்கும் பொழுது அவை வளைந்துவிடும் அபாயங்களும் உள்ளது. கொஞ்சம் அழுத்தமாக துடைத்தால் ஃபேனின் ரெக்கைகள் வளைந்து காற்று வராமல் போய்விடும். 

இல்லையென்றால் தூசி அடைந்து காற்று வராமல் போய்விடும். ஃபேனில் தூசி இருக்கும் பொழுது அந்த தூசியானது நம் உண்ணும் உணவில் வந்து விழும் அபாயமும் உள்ளது. இல்லையென்றால் வீடு முழுவதும் தூசி பறக்கும் வாய்ப்புகளும் உள்ளது. ஃபேனின் ரெக்கைகளை துடைப்பது இல்லத்தரசிகளுக்கு பெரும் சவாலான காரியமாக உள்ளது. இந்நிலையில், ஃபேனின் ரெக்கைகளை எந்த ஒரு சேதாரமும் இன்றி சுலபமாக எப்படி துடைக்கலாம் என்பதை இந்த தொகுப்பில் பார்க்கலாம். 

View this post on Instagram

A post shared by Nalini Manickam (@nalinimanick)

உங்கள் வீட்டில் இருக்கும் தேவையில்லாத பேண்ட் ஒன்றை எடுத்துக் கொள்ளவும். இதனின் ஒரு காலை தூசி இருக்கும் ஃபேனின் ரெக்கையில் மாட்டவும். பின்னர் அந்த காலை நன்றாக அழுத்து தடவி விடவும். இதன் மூலம் ஃபேனில் இருக்கும் தூசியும் போய்விடும். உங்கள் வீடு முழுவதும் தூசியாகும் என்ற பயமும் இருக்காது. இந்த முறை மூலம் ஃபேனை ஈஸியாக விரைவில் துடைத்து விடலாம்.