புகைப்படத் தொகுப்பு Entertainment Gallery

கோட் முதல் தங்கலான் வரை: ஒ.டி.டி தளத்தில் நீங்கள் மிஸ் செய்ய கூடாத திரைப்படங்கள்!

தளபதி விஜய் நடிப்பில் வெளியான கோட் முதல் விக்ரம் நடிப்பில் வெளியான தங்கலான் படம் வரை ஒடிடி தளத்தில் மிஸ் செய்யக்கூடாத படங்கள்.

WebDesk

03 Oct 2024 19:03 IST

New Update

1/9

அக்டோபர் மாதத்தில் இதுவரை வெளியான படங்கள்

2024-ம் ஆண்டு இறுதிக்கட்டத்தை நெருங்கியுள்ள நிலையில், அக்டோபர் மாதம், சினிமா மற்றும் வெப் தொடர் ரசிகர்களுக்கு ஒரு உற்சாகமான மாதமாக அமைந்துள்ளது. இந்த மாதத்தில் தென்னிந்தியாவில், வெளியாக திரைப்படங்கள் மற்றும் வெப் தொடர்கள் ஒடிடி தளத்தில் வெளியாகியுள்ளது. அந்த வைகயில் சமீபத்தில் வெளியான படங்கள் குறித்து பார்ப்போம்.

2/9

கோட் (நெட்ஃபிக்ஸ்)

தளபதி விஜய் நடிப்பில் வெங்கட் பிரபு இயக்கத்தில் கடந்த செப்டம்பர் 5-ந் தேதி திரையரங்குகளில் வெளியான தி கிரேட்டஸ்ட் ஆஃப் ஆல் டைம் (கோட்) திரைப்படம் அக்டோபர் 3 ஆம் தேதி நெட்ஃபிக்ஸ் தளத்தில் வெளியிடப்பட்டுள்ளது. சையின்ஸ் பிக்ஷன் திரில்லர் படமான இந்த படத்தில், பிரசாந்த் தியாகராஜன், சினேகா பிரசன்னா, பிரபுதேவா, மோகன் மற்றும் மீனாட்சி சவுத்ரி உள்ளிட்ட பல நட்சத்திர நடிகர்கள் நடித்துள்ளனர். பாக்ஸ்ஆபீஸில் வசூல் வேட்டை நடத்திய இந்த படம் தற்போது ரசிகர்களின் எதிர்பார்ப்பை பூர்த்தி செய்யும் வகையில் ஒடிடி தளத்தில் வெளியாகியுள்ளது.

3/9

போட் (ப்ரைம் வீடியோ)

பிரபல நகைச்சுவை நடிகர் யோகி பாபு நடித்த போட் திரைப்படம், படகில் பத்து பயணிகள் சிக்கிக் கொள்ளும் போது ஏற்படும் பதற்றம் மற்றும் அவர்கள் அங்கிருந்து எப்படி தப்பித்தார்கள் என்பதை சுவாரஸ்யமாக கூறியுள்ள படம். இப்படத்தில் யோகி பாபுவுடன் கௌரி ஜி கிஷன், சாம்ஸ், குளப்புள்ளி லீலா, ஜாங்கிரி மதுமிதா உள்ளிட்ட பலர் நடித்துள்ளனர். இந்த படம் அக்டோபர் 1 ஆம் தேதி ப்ரைம் வீடியோவில் வெளியிடப்பட்டுள்ளது. சஸ்பென்ஸ் மற்றும் நகைச்சுவை கலந்த இந்த படம் ஒரு பொழுதுபோக்கு காட்சியாக இருக்கும் என்று உறுதியளிக்கிறது.

4/9

மன்வத் மர்டர்ஸ் (சோனி லிவ்)

த்ரில்லர் மற்றுமு் சஸ்பென்ஸ் கலந்த திரைப்படங்களை விரும்புவர்களுக்கு இந்த மன்வட் மர்டர்ஸ் வெப் தொடர் அவர்களின் எதிர்பார்ப்பை பூர்த்தி செய்யும். இந்த வெப் தொடர் வரும் அக்டோபர் 4 ஆம் தேதி முதல் சோனி லிவ்வில் ஒளிபரப்பாகும். மும்பையில் நடந்த ஏழு தீர்க்கப்படாத கொலைகளை சுற்றி இந்த வெப் தொடரின் திரைக்கதை அமைக்கப்பட்டுள்ளது. திரைப்படத் தயாரிப்பாளர் அசுதோஷ் கோவாரிகர் நடித்த ஒரு நேர்மையான போலீஸ்காரர், வழக்கை எடுத்துக் கொள்ளும்போது, மர்மத்தைத் தீர்க்க முயற்சிக்கும்போது அவர் பல சவால்களை எதிர்கொள்கிறார். இந்தத் தொடரில் சாய் தம்ஹங்கர், மகரந்த் அனஸ்புரே, சோனாலி குல்கர்னி மற்றும் கிஷோர் கதம் ஆகியோரும் நடித்துள்ளனர். மராத்தி, இந்தி, தெலுங்கு, தமிழ், மலையாளம், கன்னடம் மற்றும் பெங்காலி உள்ளிட்ட பல மொழிகளில் இந்த வெப் தொடர் வெளியாக உள்ளது.

5/9

டிமான்டே காலனி 2 (ஜீ5)

திகில் ரசிகர்கள் ரசிகர்கள் மத்தியில் பெரிய எதிர்பார்ப்பை ஏற்படுத்திய படம் டிமான்டி காலனி 2. இந்த படம் கடந்த செப்டம்பர் 27 அன்று ஜி5 ஒடிடி தளத்தில் வெளியானது. அஜய் ஞானமுத்து இயக்கிய இந்த சூப்பர்நேச்சுரல் த்ரில்லர் படம், ஏற்கனவே வெளியான டிமான்டி காலனி படத்தின் தொடர்ச்சியாக திரைப்பதை அமைக்கப்பட்டிருந்தது. ப்ரியா பவானி சங்கருடன் இணைந்து அருள்நிதி இந்த படத்தில் ஹீரோவாக நடித்துள்ளார்.

6/9

தங்கலான் (நெட்ஃபிக்ஸ்)

மிகவும் எதிர்பார்க்கப்பட்ட மற்றொரு படமான தங்கலன், ஆகஸ்ட் 15 ஆம் தேதி திரையரங்கில் வெளியிடப்பட்ட நிலையில், செப்டம்பர் 20 ஆம் தேதி முதல் நெட்ஃபிக்ஸ் தளத்தில் வெளியிடப்பட்டது. பா.ரஞ்சித்தின் இயக்கத்தில், பிரிட்டிஷ் ராஜ்ஜியத்தின் போது நடந்த உண்மை சம்பவத்தை அடிப்படையாக கொண்டு, திரைக்கதை அமைக்கப்பட்ட இந்த படம், ஒரு பழங்குடித் தலைவரின் கதையைச் சொல்கிறது. விக்ரம், பார்வதி திருவோத்து மற்றும் மாளவிகா மோகனன் ஆகியோரின் நடிப்பில் வெளியான இந்த படம் கலவையான விமர்சனங்களை பெற்றிருந்தது.

7/9

சரிபோதா சனிவாரம் (நெட்ஃபிக்ஸ்)

தெலுங்கு சினிமாவில் நேச்சரல் ஸ்டார், நானி நடிப்பில் வெளியான சரிபோதா சனிவாரம் படத்தில் எஸ்.ஜே.சூர்யா வில்லனாக நடித்திருந்தார். ஆக்‌ஷன்-பேக் விஜிலண்ட் த்ரில்லராக வெளியாக இந்த படத்தில், சூர்யா கேரக்டரில் நடித்த நானி, வாரம் முழுவதும் தனது கோபத்தை அடக்கிக்கொண்டு, சனிக்கிழமைகளில், கோபத்தை வெளிப்படுத்துவார். இப்படத்தில் எஸ்.ஜே.சூர்யா, பிரியங்கா மோகன் ஆகியோரும் நடித்துள்ளனர். ஆகஸ்ட் மாதம் திரையரங்குகளில் வெளியானதிலிருந்து ஏற்கனவே கவனத்தைப் பெற்றுள்ளது, இப்போது நெட்ஃபிக்ஸ் தளத்தில் வெளியாகியுள்ளது.

8/9

வாழா (டிஸ்னி+ ஹாட்ஸ்டார்)

மலையாளத்தில் வெளியான காமெடி படமான வாழா டிஸ்னி+ ஹாட்ஸ்டாரில் வெளியிகாகியுள்ளது. ஆனந்த் மேனன் இயக்கிய இப்படம் சமூக எதிர்பார்ப்புகளுடன் போராடும் ஐந்து நண்பர்களின் பயணத்தை மையமாக வைத்து திரைக்கதை அமைக்கப்பட்டுள்ளது. பாசில் ஜோசப் மற்றும் சிஜு சன்னி ஆகியோருடன், முன்னணி நட்சத்திரங்கள் நடித்துள்ள இந்த படம், ஆகஸ்ட் மாதம் திரையரங்குகளில் திரையிடப்பட்டது, இப்போது ஒடிடி தளத்தில் வெளியாகியுள்ளது.

9/9

தலவன் (டிஸ்னி+ ஹாட்ஸ்டார்)

கடைசியாக, தலவன் படம் தென்னிந்திய படங்களின் வரிசையில் இணைகிறது, இப்போது டிஸ்னி+ ஹாட்ஸ்டாரில் வெளியாகியுள்ளது. இது தென்னிந்திய சினிமாவின் ரசிகர்கள் கட்டாயம் பார்க்க வேண்டிய படங்களில் ஒன்றாக இருக்கிறது. பிஜூமேனன், ஆசிப் அலி இருவரும் இந்த படத்தில் முக்கிய கேரக்டரில் நடித்திருந்தனர்.

South Indian Cinema

Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Advertisment